తెలంగాణలో రాజ్యాంగ విరుద్ధమైన ముస్లిం కోటా ఎత్తివేస్తాం: అమిత్ షా

హైదరాబాద్: ముస్లిం కోటాను రాజ్యాంగ విరుద్ధమని పేర్కొంటూ, కేంద్ర హోంమంత్రి అమిత్ షా, తెలుగు రాష్ట్రాల్లో బీజేపీ అధికారంలోకి వస్తే మైనారిటీల రిజర్వేషన్లను రద్దు చేయడం ద్వారా తెలంగాణలో కర్నాటకలో మాదిరి మళ్లీ అమలు చేస్తామని వాగ్దానం చేశారు. హైదరాబాద్‌కు 46 కిలోమీటర్ల దూరంలోని చేవెళ్లలో ప్రజలతో నిండుగా ఉన్న బహిరంగ సభలో ప్రసంగించిన షా, దేశంలో బీఆర్‌ఎస్ పార్టీ విస్తరించేందుకు వేసిన ప్రణాళికలను కూడా ఎగతాళి చేశారు, ప్రధాని పదవి ఖాళీగా లేదని, 2024 పార్లమెంటు […]

హైదరాబాద్: ముస్లిం కోటాను రాజ్యాంగ విరుద్ధమని పేర్కొంటూ, కేంద్ర హోంమంత్రి అమిత్ షా, తెలుగు రాష్ట్రాల్లో బీజేపీ అధికారంలోకి వస్తే మైనారిటీల రిజర్వేషన్లను రద్దు చేయడం ద్వారా తెలంగాణలో కర్నాటకలో మాదిరి మళ్లీ అమలు చేస్తామని వాగ్దానం చేశారు. హైదరాబాద్‌కు 46 కిలోమీటర్ల దూరంలోని చేవెళ్లలో ప్రజలతో నిండుగా ఉన్న బహిరంగ సభలో ప్రసంగించిన షా, దేశంలో బీఆర్‌ఎస్ పార్టీ విస్తరించేందుకు వేసిన ప్రణాళికలను కూడా ఎగతాళి చేశారు, ప్రధాని పదవి ఖాళీగా లేదని, 2024 పార్లమెంటు ఎన్నికల తర్వాత ప్రధాని నరేంద్ర మోదీ సులభంగా అధికారాన్ని తిరిగి చేజిక్కించుకుంటారని ఆయన అన్నారు.

బీఆర్‌ఎస్‌ను గద్దె దించే వరకు బీజేపీ ఆగబోదని, టీఆర్‌ఎస్‌ నుంచి బీఆర్‌ఎస్‌గా ఈ గులాబీ పార్టీ పేరు మార్చుకోవడం వెనుక మెడ లోతు కూరుకుపోయిన అవినీతి నుంచి ప్రజల దృష్టి మళ్లించే ఎత్తుగడ మాత్రమే ఉందని షా కేసీఆర్‌కు బాహాటంగా చురకలు అంటించారు.

కోటాలు దళితులు, గిరిజనులు, వెనుకబడిన కులాలకు రాజ్యాంగం కల్పించిన హక్కు అని, ముస్లిం కోటాను 4% నుంచి 12%కి పెంచాలని కేసీఆర్ ప్రభుత్వం సుదీర్ఘంగా ప్రయత్నాలు సాగిస్తున్న ఈ నేపథ్యంలో విద్యాసంస్థల్లో ముస్లిం రిజర్వేషన్లను రద్దు చేస్తాం, అని షా అన్నారు.

పార్లమెంట్ ప్రభరి యోజనలో భాగంగా జరిగిన విజయసంకల్ప సభలో ఆయన ప్రసంగిస్తూ, ‘కేసీఆర్ ప్రధాని కావాలని కలలు కంటున్నారని, భారత్‌ అంతటా పర్యటించాలని, అయితే ఆయన ముందుగా తెగులు సోకిన తన సొంతగడ్డలో పర్యటనకు వెళ్లాలని అయ్యన ఎద్దేవా చేశారు. తన జాతీయ పార్టీగా దేశమంతా విస్తరించే ప్రణాళికలో భాగంగా మహారాష్ట్రలో కేసీఆర్ వరుస ర్యాలీలను ఉద్దేశించి షా చేసిన వ్యాఖ్య ఇది.

పార్లమెంటు ఎన్నికల్లో బీజేపీకి పూర్తి మెజారిటీ ఇవ్వాలని హోంమంత్రి ప్రజలకు విజ్ఞప్తి చేశారు, “త్వరలో ట్రైలర్ వస్తుంది” అని ఆయన అన్నారు.

రాష్ట్ర సమృద్ధి కోసం కమలానికి ఓటు వేయండి: షా

తెలంగాణ అసెంబ్లీ ఎన్నికల్లో బీజేపీకి ఓటు వేసి అధికారంలోకి తీసుకురావాలని హోంమంత్రి అన్నారు. గత ఎనిమిదేళ్లలో అభివృద్ధి కుంటుపడింది ఇంకా అవినీతి రాజ్యామేలుతూ ఉంది.

ఇప్పటికే బీఆర్‌ఎస్‌ ప్రభుత్వానికి కౌంట్‌డౌన్‌ ప్రారంభమైందని ఆయన హెచ్చరించారు. “మేము ప్రతిపక్ష పార్టీగా మా ప్రయాణం ప్రారంభించాము. కోర్టు కేసులు, పోలీసుల అణిచివేతలతో మేము నోరు మెదపడం లేదు. టిఎస్‌పిఎస్‌సి పేపర్ లీక్ కేసులో బండి సంజయ్‌ని మీరు జైలుకు పంపారు, కానీ మిమ్మల్ని తరిమికొట్టే వరకు మేము విశ్రమించము,” అని షా అన్నారు.

“రాష్ట్ర అవతరణకు ముందు తెలంగాణకు కేంద్రం నుంచి కేవలం ₹ 30,000 కోట్లు మాత్రమే సాయం రూపంలో అందాయని, ప్రధాని మోదీ బాధ్యతలు స్వీకరించిన తర్వాత, తెలంగాణకు వార్షిక మద్దతును ₹ 1 లక్ష కోట్లకు పెంచారు. కానీ నిధులు నిరుపేదలకు అందుతున్నాయా’’ అని ఆయన ప్రశ్నించారు. రాష్ట్రంలో ప్రధాని మోదీ పథకాలను బీఆర్‌ఎస్ ప్రభుత్వం నిలిపివేస్తోందని ఆరోపించిన ఆయన, “తెలంగాణ ప్రజలకు ఇప్పుడు వాస్తవమెంటో తెలుసు. కేంద్రం పధకాలు ప్రయోజనాలు పేదలకు చేరకుండా BRS ఇక అడ్డుపడలేదు.

కేసీఆర్ కారు (బీఆర్‌ఎస్ గుర్తు)ను నడుపుతున్నా, ఒవైసీకి చెందిన ఏఐఎంఐఎంకు బీఆర్‌ఎస్ కట్టుబడి ఉందని, అలాంటి అపవిత్ర కూటమితో రాష్ట్రం అభివృద్ధి చెందదని షా ఎత్తిచూపారు. దయచేసి కమలానికి ఓటు వేయండి, లక్ష్మీదేవి రాష్ట్రానికి కీర్తిని తెస్తుంది. కేసీఆర్‌ను గద్దె దించేందుకు తాను తెలంగాణకి తిరిగి వస్తానని ఆయన చెప్పారు.

• 

  తిరుమల భక్తులకు శుభవార్త.. ఏప్రిల్ ఆర్జిత సేవా టికెట్ల కోటా రిలీజ్

  National

• 

  దిల్లీలో దారుణం.. సహజీవనం చేస్తున్న మహిళ కూతురిపై అత్యాచారం!

  National

• 

  ఎన్టీఆర్‌ 28వ వర్థంతి.. నివాళులర్పించిన బాలకృష్ణ, జూనియర్

  National

• 

  జై శ్రీరామ్.. నినాదాల మధ్య ఆలయంలోకి రామ్‌లల్లా విగ్రహం!

  National

• 

  బీఆర్ఎస్ మాజీ ఎమ్మెల్యే షకీల్‌కు షాక్.. తనయుడి ర్యాష్ డ్రైవింగ్ కేసులో షకీల్ పేరు

  National