మణిపూర్ లో ఆగని హింస 

ఇప్పుడు మణిపూర్లో జరుగుతున్న హింస గురించి భారత దేశంలో అందరికీ తెలుసు. పోలీసులు కూడా ప్రస్తుతం ఉన్న పరిస్థితిని అదుపు చేసే పరిస్థితి కనిపించడం లేదు. ప్రతిరోజు ఏదో ఒక హింస మణిపూర్లో కనిపిస్తూనే ఉంది. ఇప్పుడు మణిపూర్ లో 144 సెక్షన్ నడుస్తుంది. షెడ్యూల్డ్ తెగల (ST) హోదా కోసం మణిపూర్‌లో మెయిటీ, అదేవిధంగా కుకీ తెగల మధ్య హింస చెలరేగిన తర్వాత ఆడవాళ్ళ మీద అఘాయిత్యాలు కూడా ఎన్నో జరిగాయి. కేంద్ర ప్రభుత్వం వేలాది […]

ఇప్పుడు మణిపూర్లో జరుగుతున్న హింస గురించి భారత దేశంలో అందరికీ తెలుసు. పోలీసులు కూడా ప్రస్తుతం ఉన్న పరిస్థితిని అదుపు చేసే పరిస్థితి కనిపించడం లేదు. ప్రతిరోజు ఏదో ఒక హింస మణిపూర్లో కనిపిస్తూనే ఉంది. ఇప్పుడు మణిపూర్ లో 144 సెక్షన్ నడుస్తుంది. షెడ్యూల్డ్ తెగల (ST) హోదా కోసం మణిపూర్‌లో మెయిటీ, అదేవిధంగా కుకీ తెగల మధ్య హింస చెలరేగిన తర్వాత ఆడవాళ్ళ మీద అఘాయిత్యాలు కూడా ఎన్నో జరిగాయి. కేంద్ర ప్రభుత్వం వేలాది మంది పారామిలటరీ మరియు ఆర్మీ దళాలను మణిపూర్ రాష్ట్రానికి మోహరించినప్పటికీ, హింస మరియు హత్యలు కొనసాగడం గమనార్హం. అక్కడ ఉన్న చాలామంది రాజకీయ నాయకులను సైతం హత్యలు చేసిన సంఘటనలు కూడా వెలుగులోకి వచ్చాయి. కొంతమంది నాయకులు తాము ఈ పరిస్థితిని అదుపు చేయలేమని చెప్పి రాజీనామాలు కూడా చేస్తున్నారు. అయితే ఇప్పుడు మణిపూర్ హింసపై సిబిఐ విచారణకు పిలుపు ఇచ్చిన సెంట్రల్ గవర్నమెంట్. మణిపూర్ లో మరింత హింస గనక ఇప్పటినుంచి చోటు చేసుకుంటే ఖచ్చితంగా కాల్పులు జరుగుతాయని హెచ్చరిక చేసిన గవర్నమెంట్.

మణిపూర్‌లోని బిష్ణుపూర్ జిల్లాలో గుంపులు గురువారం నాడు ఇద్దరు పోలీస్ అధికారులను చంపి వారిని దోచుకున్నట్లు, అంతేకాకుండా వారి నుంచి భారీ ఆయుధాలు మరియు మందుగుండు సామగ్రిని దోచుకున్నారని పోలీసులు తెలిపారు. బిష్ణుపూర్ జిల్లాలోని కౌత్రుక్ దగ్గర దాడికి పాల్పడిన కొంతమంది, భద్రతా దళాలతో  ఘర్షణకు దిగిన అనంతరం, ఒక భద్రతా సిబ్బంది మరణించారు.

విచ్చలవిడిగా దోచుకుంటున్నారు: 

బిష్ణుపూర్‌లోని మణిపూర్ ఆర్మ్‌డ్ పోలీస్ 2వ బెటాలియన్‌కు చెందిన కైరెన్‌ఫాబి పోలీస్ అవుట్‌పోస్ట్.. అదే విధంగా తంగలవాయి పోలీస్ అవుట్‌పోస్టులపై ఒక కొంతమంది గుంపులు దాడి చేసి భారీ ఆయుధాలు మరియు మందుగుండు సామగ్రిని తీసుకువెళ్లిందని, మణిపూర్ పోలీసుల ప్రకటించారు. అదేవిధంగా పురుషులు మరియు మహిళలతో కూడిన గుంపు అదే జిల్లాలోని హీంగాంగ్ పోలీస్ స్టేషన్ ఇంకా సింగ్జామీ పోలీస్ స్టేషన్ నుండి ఆయుధాలు మరియు మందుగుండు సామగ్రిని లాక్కోవడానికి ప్రయత్నించింది, ఈ క్రమంలోనే భద్రతా దళాలు అలర్ట్ అవడంతో ఆ గుంపులను చెదరగొట్టి తరిమి కొట్టినట్లు తెలుస్తోంది.

కౌత్రుక్, హరోథెల్ మరియు సెంజామ్ చిరాంగ్ ప్రాంతాలలో సాయుధ దాడికి వారికి అదే విధంగా భద్రతా దళాలకు మధ్య ఎదురుకాల్పులు జరిగాయని, ఇందులో ఒక భద్రతా సిబ్బందితో సహా ఇద్దరు వ్యక్తులకు బుల్లెట్ గాయాలయ్యాయని పోలీసులు ప్రకటించారు. ఈ క్రమంలోనే భద్రతా బలగాలు ఎదురుకాల్పులు జరిపి దుండగులను తరిమికొట్టాయి.

బిష్ణుపూర్ మరియు చురచంద్‌పూర్ జిల్లాల సరిహద్దుల్లోని ఫౌగక్‌చావో ఇఖాయ్‌లో 500-600 మంది గుమిగూడడంతో, భద్రతా బలగాలు గుంపును చెదరగొట్టడానికి టియర్ గ్యాస్ షెల్‌లను ప్రయోగించడం జరిగింది, ఇందులో సుమారు 25 మంది వ్యక్తులు స్వల్ప గాయాలకు గురయ్యారు.

గత 24 గంటల్లో, రాష్ట్రంలో పరిస్థితి ఇప్పటికీ కంట్రోల్లోకి రానట్లే కనిపిస్తోంది. మునుపటిలాగే అక్కడ పరిస్థితులు ఉద్రిక్తంగా ఉన్నాయి. అక్కడక్కడా కాల్పులు జరుగుతూనే ఉన్నాయి. భద్రతా దళాలు రాష్ట్రంలోని కొన్ని బార్డర్ ప్రాంతాలలో సెర్చ్ ఆపరేషన్లు నిర్వహించాయి. 

ఇది ఎవరి కుట్ర:

మణిపూర్‌లో కొనసాగుతున్న హింసలో విదేశీ ఏజెన్సీల ప్రమేయాన్ని తోసిపుచ్చలేమని మాజీ ఆర్మీ చీఫ్ జనరల్ MM నరవానే (రిటైర్డ్) అన్నారు, దశాబ్దాలుగా ఈశాన్య ప్రాంతంలోని వివిధ తిరుగుబాటు గ్రూపులకు చైనా చేస్తున్న సహాయాన్ని ధ్వజమెత్తారు. పొరుగు దేశంలో (మయన్మార్) మాత్రమే కాకుండా, సరిహద్దు రాష్ట్రం (మణిపూర్)లో కూడా అస్థిరత ఉంటే, అది మన మొత్తం జాతీయ భద్రతకు బంగం వాటిల్లే ప్రమాదం కూడా ఉంది అని ఆయన అన్నారు. అంతర్గత భద్రత మనకు చాలా ముఖ్యం అని జనరల్ నరవానే అన్నారు.

• 

  తిరుమల భక్తులకు శుభవార్త.. ఏప్రిల్ ఆర్జిత సేవా టికెట్ల కోటా రిలీజ్

  National

• 

  దిల్లీలో దారుణం.. సహజీవనం చేస్తున్న మహిళ కూతురిపై అత్యాచారం!

  National

• 

  ఎన్టీఆర్‌ 28వ వర్థంతి.. నివాళులర్పించిన బాలకృష్ణ, జూనియర్

  National

• 

  జై శ్రీరామ్.. నినాదాల మధ్య ఆలయంలోకి రామ్‌లల్లా విగ్రహం!

  National

• 

  బీఆర్ఎస్ మాజీ ఎమ్మెల్యే షకీల్‌కు షాక్.. తనయుడి ర్యాష్ డ్రైవింగ్ కేసులో షకీల్ పేరు

  National