జైల్లో చంద్రబాబు భద్రతకు పూర్తి బాధ్యత ప్రభుత్వానిదే

స్కిల్ డెవలప్‌మెంట్ స్కామ్ కేసులో టీడీపీ అధినేత చంద్రబాబు నాయుడు రాజమహేంద్రవరం సెంట్రల్ జైలులో రిమాండ్ ఖైదీగా ఉన్న సంగతి తెలిసిందే. అయితే జైల్లో చంద్రబాబు భద్రతపై టీడీపీ ఆందోళన వ్యక్తం చేస్తుంది. ఈ అంశంపై రాష్ట్ర విద్యాశాఖ మంత్రి బొత్స సత్యనారాయణ స్పందించారు. టీడీపీ అధినేత నారా చంద్రబాబు నాయుడు భద్రత విషయంలో పూర్తి బాధ్యత ప్రభుత్వానిదేనని మంత్రి బొత్స సత్యనారాయణ అన్నారు.  అక్టోబర్ నెలలో జరగనున్న విజయనగరం శ్రీ పైడితల్లి అమ్మవారి సిరిమానోత్సవం, విజయనగరం […]

స్కిల్ డెవలప్‌మెంట్ స్కామ్ కేసులో టీడీపీ అధినేత చంద్రబాబు నాయుడు రాజమహేంద్రవరం సెంట్రల్ జైలులో రిమాండ్ ఖైదీగా ఉన్న సంగతి తెలిసిందే. అయితే జైల్లో చంద్రబాబు భద్రతపై టీడీపీ ఆందోళన వ్యక్తం చేస్తుంది. ఈ అంశంపై రాష్ట్ర విద్యాశాఖ మంత్రి బొత్స సత్యనారాయణ స్పందించారు.

టీడీపీ అధినేత నారా చంద్రబాబు నాయుడు భద్రత విషయంలో పూర్తి బాధ్యత ప్రభుత్వానిదేనని మంత్రి బొత్స సత్యనారాయణ అన్నారు.  అక్టోబర్ నెలలో జరగనున్న విజయనగరం శ్రీ పైడితల్లి అమ్మవారి సిరిమానోత్సవం, విజయనగరం ఉత్సవాల నిర్వహణపై మంత్రి అధికారులతో సమీక్షించారు. ఈ  సందర్భంగా మంత్రి బొత్స మాట్లాడుతూ.. చంద్రబాబు భద్రత విషయంలో ఏ లోపం జరిగినా తాము బాధ్యత వహిస్తామన్నారు. ప్రభుత్వంపై ఆరోపణలు చేయకుండా స్కిల్ డెవలప్మెంట్ కేసులో తన ప్రమేయం లేదని చంద్రబాబు నిరూపించుకోవాలని మంత్రి సూచించారు.

పైడితల్లి సిరిమాను ఉత్సంపై మంత్రి సమీక్ష

పైడితల్లి సిరిమాను జాతరను ఈ ఏడాది ఘనంగా నిర్వహించేందుకు అన్ని రకాల ఏర్పాట్లు చేయాలని మంత్రి బొత్స సత్యనారాయణ అధికారులకు సూచించారు. అధికారులు అందరూ సొంత పండుగగా భావించాలని అన్నారు. నిర్ధిష్ఠ సమయానికే సిరిమాను మొదలయ్యేలా చూడాలని అధికారులకు సూచించారు. సిరిమాను జాతర ఆలస్యం కాకుండా ముందుగానే అన్ని విధాల జాగ్రత్తలు తీసుకోవాలని సూచించారు. ఈ సందర్భగా పలువురు పాత్రికేయులు అడిగిన ప్రశ్నలకు మంత్రి సమాధానమిచ్చారు. పార్లమెంటులో కేంద్రం తెస్తున్న మహిళా బిల్లు విషయంపైనా మంత్రి బొత్స స్పందించారు. 

మహిళా బిల్లుకు మద్దతు

ఎంతో కాలంగా ఎదురుచూస్తోన్న మ‌హిళా బిల్లుకు కేంద్ర క్యాబినెట్ ఆమోదం తెల‌ప‌డాన్ని మంత్రి స్వాగతించారు. మహిళా బిల్లును పార్లమెంట్‌లో ప్రవేశపెట్టడడం కేబినెట్ ఆమోదం తెలపడం అభినందనీయమని కొనియాడారు. మ‌హిళా బిల్లుకు తాము అనుకూలంగా ఉన్నామ‌ని స్పష్టం చేశారు. ఈ విష‌యంలో కేంద్ర ప్ర‌భుత్వం ప్రతిపాదించిన మ‌హిళా రిజ‌ర్వేష‌న్ల బిల్లుకు తాము పూర్తిగా మ‌ద్ద‌తు ఇస్తామ‌ని బొత్స ప్రకటించారు. మ‌హిళ‌ల‌ అభివృద్ధికి, సంక్షేమానికి వైసీపీ కట్టుబడి ఉందన్నారు. మహిళా సాధికారత తమ ప్రభుత్వం పాటుపడుతుందని అందుకు నిదర్శనమే అన్ని స్థానిక సంస్థల ఎన్నికల్లో మహిళలకు 50 శాతం స్థానాలు తాము కేటాయించడం అని మంత్రి బొత్స స‌త్య‌నారాయ‌ణ తెలిపారు.

మాదే బాధ్యత

జైలులో టీడీపీ అధినేత నారా చంద్రబాబునాయుడు భద్రత విషయంపై ఆ పార్టీ నేతలు ఆందోళన వ్యక్తం చేస్తున్న సంగతి తెలిసిందే. దీనిపై పాత్రికేయులు ప్రశ్నించడగా బొత్స సమాధానమిచ్చారు. చంద్రబాబు భద్రత బాధ్యత పూర్తిగా ప్రభుత్వానిదే అన్నారు. ఏదైనా లోపం జరిగిన పూర్తి బాధ్యత వహిస్తామని మంత్రి బొత్స సత్యనారాయణ చెప్పారు. 2005లో జరిగిన వోక్స్ వ్యాగన్ కేసు విషయంలో వచ్చిన ఆరోపణలపై అప్పట్లో సీబీఐ విచారణ జరిపించామని చెప్తూ.. ఆ విచారణలో బాధ్యులపై చర్యలు తీసుకుని నిధులను సైతం రికవరీ చేశామన్నారు. స్కిల్ డెవలప్ మెంట్ కేసులో కూడా చంద్రబాబు తన తప్పు లేదని నిరూపించుకోవాలని ఈ సందర్భంగా మంత్రి పేర్కొన్నారు. 

చంద్రబాబు భద్రత విషయంలో ఎదురవుతున్న విమర్శలపై వైసీపీ ప్రభుత్వం తరఫున ఇప్పటికే పలువురు మంత్రులు, ఎమ్మెల్యేలు స్పందించారు. అలాగే జైలు తాజా ఇన్ ఛార్జ్ గా నియమించిన డీఐజీ రవికిరణ్ సైతం వివరణ ఇచ్చారు. అయినా టీడీపీ నేతల విమర్శల దాడి ఆగడం లేదు. ఈ నేపథ్యంలో మంత్రి బొత్స సత్యనారాయణ తాజా వివరణ ఇచ్చినట్లు తెలుస్తోంది. 

నారా భువనేశ్వరి ఆందోళన

చంద్రబాబు భద్రతపై తనకు భయంగా ఉందని ఆయన సతీమణి భువనేశ్వరి గతంలో ఆవేదన వ్యక్తం చేశారు. రాజమహేంద్రవరం జైలులో చంద్రబాబును భువనేశ్వరి, లోకేశ్‌, బ్రాహ్మణి కలిశారు. అనంతరం జైలు వద్ద భువనేశ్వరి మీడియాతో మాట్లాడుతూ..చంద్రబాబు భద్రతపై ఆందోళన వ్యక్తం చేశారు. చంద్రబాబు నిర్మించిన భవనంలోనే ఆయన్ను తీసుకెళ్లి పెట్టారని, చంద్రబాబును వీడి బయటకు వస్తుంటే తన మనసు చలించిందన్నారు. చంద్రబాబు ఆరోగ్యం బాగానే ఉందని, చన్నీళ్ల స్నానం చేయాల్సి వస్తోందని భువనేశ్వరి కన్నీటి పర్యంతమయ్యారు.

• 

  తిరుమల భక్తులకు శుభవార్త.. ఏప్రిల్ ఆర్జిత సేవా టికెట్ల కోటా రిలీజ్

  National

• 

  దిల్లీలో దారుణం.. సహజీవనం చేస్తున్న మహిళ కూతురిపై అత్యాచారం!

  National

• 

  ఎన్టీఆర్‌ 28వ వర్థంతి.. నివాళులర్పించిన బాలకృష్ణ, జూనియర్

  National

• 

  జై శ్రీరామ్.. నినాదాల మధ్య ఆలయంలోకి రామ్‌లల్లా విగ్రహం!

  National

• 

  బీఆర్ఎస్ మాజీ ఎమ్మెల్యే షకీల్‌కు షాక్.. తనయుడి ర్యాష్ డ్రైవింగ్ కేసులో షకీల్ పేరు

  National