ఆత్మహత్యల నివారణకు స్ప్రింగ్ ఫ్యాన్లు

ఇటీవల కాలంలో చాలామంది కోచింగ్ తీసుకుంటున్న స్టూడెంట్స్ ఆత్మహత్య ప్రయత్నాలు ఎక్కువగా మారడంతో,  కోట డిస్ట్రిక్ట్ హాస్టల్స్ లో స్ప్రింగ్ లోడెడ్ ఫ్యాన్లు అమర్చాలని నిర్ణయం తీసుకున్నట్లు తెలుస్తోంది. కోటాలో కోచింగ్ విద్యార్థుల ఆత్మహత్యల కేసులను తగ్గించే ప్రయత్నంలో, జిల్లా యంత్రాంగం నగరంలోని అన్ని హాస్టళ్లు మరియు పేయింగ్ గెస్ట్ వసతి గృహాలలో స్ప్రింగ్-లోడెడ్ సీలింగ్ ఫ్యాన్లను ఏర్పాటు చేయాలని ఆదేశించింది. ఆత్మహత్యలు తగ్గించే ప్రయత్నం:  దేశంలోని కోచింగ్ హబ్‌లో ఎక్కువగా మారిన ఆత్మహత్యలు తగ్గించే క్రమంలో […]

ఇటీవల కాలంలో చాలామంది కోచింగ్ తీసుకుంటున్న స్టూడెంట్స్ ఆత్మహత్య ప్రయత్నాలు ఎక్కువగా మారడంతో,  కోట డిస్ట్రిక్ట్ హాస్టల్స్ లో స్ప్రింగ్ లోడెడ్ ఫ్యాన్లు అమర్చాలని నిర్ణయం తీసుకున్నట్లు తెలుస్తోంది. కోటాలో కోచింగ్ విద్యార్థుల ఆత్మహత్యల కేసులను తగ్గించే ప్రయత్నంలో, జిల్లా యంత్రాంగం నగరంలోని అన్ని హాస్టళ్లు మరియు పేయింగ్ గెస్ట్ వసతి గృహాలలో స్ప్రింగ్-లోడెడ్ సీలింగ్ ఫ్యాన్లను ఏర్పాటు చేయాలని ఆదేశించింది.

ఆత్మహత్యలు తగ్గించే ప్రయత్నం: 

దేశంలోని కోచింగ్ హబ్‌లో ఎక్కువగా మారిన ఆత్మహత్యలు తగ్గించే క్రమంలో ఇలాంటి ఒక నిర్ణయం తీసుకోవడం జరిగింది. కోటా నగరంలో చదువుతున్న/ నివసిస్తున్న విద్యార్థులకు మానసిక మద్దతు మరియు భద్రతను అందించడానికి, కోచింగ్ విద్యార్థుల ఆత్మహత్యలను నిరోధించడానికి, రాష్ట్రంలోని అన్ని హాస్టల్/పీజీ ఆపరేటర్లు ప్రతి గదిలోని ఫ్యాన్లలో సెక్యూరిటీ స్ప్రింగ్ పరికరాన్ని అమర్చాలని ఆదేశించారు. ఈ విషయానికి సంబంధించి జరిగిన సమావేశంలో నిర్ణయం తీసుకున్నామని కోట జిల్లా కలెక్టర్ ఓం ప్రకాష్ బంకర్, మాట్లాడి ఉత్తర్వులు జారీ చేశారు

కోటాలో పోటీ పరీక్షలకు సిద్ధమవుతున్న 20 మంది విద్యార్థులు ఈ ఏడాది ఇప్పటివరకు ఆత్మహత్యకు పాల్పడ్డారని అధికార వర్గాలు తెలిపాయని వార్తా సంస్థ పిటిఐ నివేదించింది. గత సంవత్సరం, ఈ సంఖ్య 15 గా ఉంది. ఆగస్టు 12న కోట అధికారులు, ఇతరలు మధ్య జరిగిన సమావేశంలో “ఆత్మహత్య వ్యతిరేక చర్య” గురించి ముఖ్యంగా మాట్లాడటం జరిగింది. కఠినంగా పాటించాలని డిమాండ్ చేస్తూ బుధవారం డిప్యూటీ కమిషనర్ ఓపీ బంకర్ ఆదేశాలు జారీ చేశారు. ఫ్యాన్‌ల విషయంలో తీసుకున్న నిర్ణయాన్ని పాటించకుంటే హాస్టల్ యజమానులు, యాజమాన్యాలపై చర్యలు తీసుకుంటామని అధికారులు తెలిపారు.

సీలింగ్ ఫ్యాన్‌ ఆలోచన ఇది ఎలా పని చేస్తుంది? 

20 కిలోల కంటే ఎక్కువ బరువున్న వస్తువును ఫ్యాన్‌కు వేలాడదీస్తే, దానికి సంబంధించిన స్ప్రింగ్ ఎక్స్పాండ్ అయిపోతుంది, ఇలా జరిగినప్పుడు ఎవరైనా ఆత్మహత్య చేసుకోవడం అసాధ్యం. ఇలాంటి సందర్భం వచ్చినప్పుడు సైరన్ కూడా మోగేలా ఏర్పాటు జరిగింది .

విద్యార్థిని ఆత్మహత్య కేసు: 

ఇటీవల, బీహార్‌లోని గయాకు చెందిన 18 ఏళ్ల ఐఐటి-జెఇఇ విద్యార్థి తన పిజి గదిలో (కోటా) ఉరివేసుకుని ఆత్మహత్య చేసుకున్నాడు. ఈ సంఘటన వెలుగులోకి రావడంతో, పోలీసులు మృతదేహాన్ని స్వాధీనం చేసుకుని, అతని తల్లిదండ్రులు వచ్చిన తర్వాత పోస్ట్ మార్టం కోసం న్యూ మెడికల్ కాలేజీ హాస్పిటల్ (NMCH) మార్చురీలో ఉంచారు.

మరణించిన యువకుడు వాల్మీకి ప్రసాద్ అనే వ్యక్తి గత అకడమిక్ సెషన్ నుండి ఒక కోచింగ్ ఇన్‌స్టిట్యూట్‌లో IIT-JEE ప్రవేశ పరీక్షకు కోచింగ్ తీసుకుంటున్నట్లు తెలిసింది. మహావీర్ నగర్ ప్రాంతంలోని ఒక PG గదిలో నివసిస్తున్నాడు. మరణించిన యువకుడు తన పీజీ గది తలుపుకు ఉన్న ఇనుప కోణానికి ఉరివేసుకుని మంగళవారం నాడు ఆత్మహత్య చేసుకున్నాడని, మహావీర్ నగర్ పోలీస్ స్టేషన్ సర్కిల్ ఇన్స్‌పెక్టర్ పరమజీత్ పటేల్ తెలిపారు. 

ఆగస్ట్‌లో, నీట్ పరీక్షలో ఉత్తీర్ణత సాధించడంలో విఫలమైన ఓ విద్యార్థి ఉరి వేసుకుని ఆత్మహత్య చేసుకున్నాడు. ఈ సంఘటన జరిగిన తర్వాత, అతని తండ్రి కూడా ఆత్మహత్య చేసుకున్నాడు. కోచింగ్ క్లాసులు తీసుకుంటున్నప్పటికీ, నీట్‌లో పదే పదే ఉత్తీర్ణత సాధించకపోవడంతో కుమారుడు జగదీశ్వరన్ (19) ఉరి వేసుకుని ఆత్మహత్య చేసుకున్నాడు. ఈ సంఘటన చెన్నైలోని క్రోంపేటలో శనివారం (ఆగస్టు 12) తన నివాసంలో జరిగింది. ఆదివారం (ఆగస్టు 13)న అతని తండ్రి సెల్వశేఖర్ కూడా ఆత్మహత్య చేసుకున్నాడు.

తల్లిదండ్రులు పిల్లలను డాక్టర్లు మరియు ఇంజనీర్లుగా మార్చే బదులు, వారికి ఆప్టిట్యూడ్ టెస్ట్ చేయించి, ఆపై వారికి ఏది ఉత్తమమో నిర్ణయించాలని అన్నారు. చాలా మంది తల్లిదండ్రులు తమ పిల్లలను కోటాలో కోచింగ్ కోసం దాదాపు ఎటువంటి ప్రిపరేషన్ లేకుండా పంపుతారని మరియు ఆర్థిక మరియు లాజిస్టిక్స్ ఏర్పాటుపై మాత్రమే దృష్టి కేంద్రీకరించారని నిపుణులు తెలిపారు.

• 

  తిరుమల భక్తులకు శుభవార్త.. ఏప్రిల్ ఆర్జిత సేవా టికెట్ల కోటా రిలీజ్

  National

• 

  దిల్లీలో దారుణం.. సహజీవనం చేస్తున్న మహిళ కూతురిపై అత్యాచారం!

  National

• 

  ఎన్టీఆర్‌ 28వ వర్థంతి.. నివాళులర్పించిన బాలకృష్ణ, జూనియర్

  National

• 

  జై శ్రీరామ్.. నినాదాల మధ్య ఆలయంలోకి రామ్‌లల్లా విగ్రహం!

  National

• 

  బీఆర్ఎస్ మాజీ ఎమ్మెల్యే షకీల్‌కు షాక్.. తనయుడి ర్యాష్ డ్రైవింగ్ కేసులో షకీల్ పేరు

  National