వంట గ్యాస్ ధర ఒక్కొక్క సిలిండర్‌కు రూ. 50 పెరిగింది

డొమెస్టిక్ గ్యాస్ సిలిండర్ల ధరలను పెంచుతున్నట్లు ప్రకటించాయి. గృహావసరాలకు వినియోగించే వంట గ్యాస్ సిలిండర్లతో పాటు వాణిజ్య అవసరాలకు వినియోగించే గ్యాస్ సిలిండర్ల ధరలు కూడా పెరిగాయి. పెరిగిన ధరలు నేటి నుంచి అమలులోకి రానున్నాయి. మూడు ప్రభుత్వ రంగ ఇంధన సంస్థలు భారతదేశ వంట గ్యాస్ మార్కెట్‌లో ఆధిపత్యం చెలాయిస్తున్నాయి. IOC రేట్లు పరిశ్రమ బెంచ్‌మార్క్‌గా పరిగణించబడతాయి. తాజా ధర సవరణ తర్వాత, IOC ప్రకారం.. 14.2 కిలోల గ్యాస్ సిలిండర్ ధర ఇప్పుడు ఢిల్లీలో […]

డొమెస్టిక్ గ్యాస్ సిలిండర్ల ధరలను పెంచుతున్నట్లు ప్రకటించాయి. గృహావసరాలకు వినియోగించే వంట గ్యాస్ సిలిండర్లతో పాటు వాణిజ్య అవసరాలకు వినియోగించే గ్యాస్ సిలిండర్ల ధరలు కూడా పెరిగాయి. పెరిగిన ధరలు నేటి నుంచి అమలులోకి రానున్నాయి.

మూడు ప్రభుత్వ రంగ ఇంధన సంస్థలు భారతదేశ వంట గ్యాస్ మార్కెట్‌లో ఆధిపత్యం చెలాయిస్తున్నాయి. IOC రేట్లు పరిశ్రమ బెంచ్‌మార్క్‌గా పరిగణించబడతాయి.

తాజా ధర సవరణ తర్వాత, IOC ప్రకారం.. 14.2 కిలోల గ్యాస్ సిలిండర్ ధర ఇప్పుడు ఢిల్లీలో రూ. 1,103, ముంబైలో 1,102.50, చెన్నైలో రూ. 1,118.50, కోల్‌కతాలో రూ. 1,129 గా ఉంది. వివిధ స్థానిక పన్నుల కారణంగా దేశవ్యాప్తంగా ఇంధన ధరలు మారుతూ ఉంటాయి.

ప్రభుత్వ ఆధ్వర్యంలో నడిచే కంపెనీలు.. కమర్షియల్ LPG రేట్లను 19 కిలోల సిలిండర్‌లకు రూ. 350 చొప్పున పెంచాయి, ఇప్పుడు ఢిల్లీలో దీని ధర రూ. 2,119. దాదాపు ఎనిమిది నెలల్లో గృహావసరాలకు విక్రయించే వంట గ్యాస్ ధరలు పెరగడం ఇదే తొలిసారి.

జూలై 6, 2022న దేశ రాజధానిలో రూ. 2,012.50కి విక్రయించిన తర్వాత వాణిజ్య గ్యాస్ సిలిండర్ ధర పెరగడం ఇదే తొలిసారి. అప్పటి నుండి, గృహావసరాలకు విక్రయించే వంట గ్యాస్ రేటు క్రమంగా ప్రతి నెలా ఒక్కో సిలిండర్‌కు రూ. 243.50 చొప్పున తగ్గించబడింది.

వాణిజ్య సిలిండర్‌లను హోటళ్లు, రెస్టారెంట్లు, పారిశ్రామిక అవసరాల కోసం ఉపయోగిస్తారు

హోలీకి ముందు ప్రభుత్వం ఇంధన రేట్లను, ముఖ్యంగా దేశీయ ఎల్‌పీజీని పెంచిందని ప్రతిపక్షాలు విమర్శించాయి. సామాన్యులపై పెనుభారం పడిందన్నాయి. నెలలో మొదటి రోజే ప్రభుత్వం సామాన్యుడి నడ్డి విరగ్గొట్టిందని అన్నాయి. 

గ్యాస్ సిలిండర్ ధర పెరుగుతుండగా.. ప్రభుత్వం అందించే సబ్సిడీ కూడా అదే స్థాయిలో తగ్గింది. గడిచిన నాలుగేళ్లలో చూస్తే 2018-19లో ప్రభుత్వం రూ.37,209 కోట్లు సబ్సిడీ ఇచ్చింది. అయితే ఆ తర్వాత క్రమంగా తగ్గుముఖం పట్టింది. 2019-20 ఆర్థిక సంవత్సరంలో అది రూ.24,172 కోట్లకు తగ్గింది. 2020-21లో 11,896 కోట్లు మరియు 2021-22లో రూ.1,811 కోట్లకు పడిపోయింది.

ఇది ఇప్పటికే అధిక ద్రవ్యోల్బణం ఎదుర్కొంటున్న సామాన్యులపై ప్రభావం చూపుతుందని కాంగ్రెస్ అధ్యక్షుడు మల్లికార్జున్ ఖర్గే బుధవారం ఒక ట్వీట్‌లో పేర్కొన్నారు.

ఎల్‌పీజీ ధరపై కాంగ్రెస్ సభ్యులు మధ్యప్రదేశ్ అసెంబ్లీ నుంచి వాకౌట్ చేశారు

మే 2022లో 90 మిలియన్ల ప్రధాన మంత్రి ఉజ్వల యోజన లబ్ధిదారులకు 2022-23కి 12 రీఫిల్‌ల వరకు వంట గ్యాస్ (14.2 కిలోలు) సిలిండర్‌పై రూ. 200 టార్గెట్ సబ్సిడీని ప్రభుత్వం ప్రకటించింది.

పెరుగుతున్న ద్రవ్యోల్బణం నుండి ప్రజలకు ఉపశమనం కలిగించే చర్యలలో భాగంగా ఈ చర్య  ఉంది, ఇందులో కేంద్ర సుంకాలు పెట్రోల్‌పై లీటరుకు రూ. 8, డీజిల్‌పై రూ. 6 తగ్గింపు కూడా ఉన్నాయి.

• 

  తిరుమల భక్తులకు శుభవార్త.. ఏప్రిల్ ఆర్జిత సేవా టికెట్ల కోటా రిలీజ్

  National

• 

  దిల్లీలో దారుణం.. సహజీవనం చేస్తున్న మహిళ కూతురిపై అత్యాచారం!

  National

• 

  ఎన్టీఆర్‌ 28వ వర్థంతి.. నివాళులర్పించిన బాలకృష్ణ, జూనియర్

  National

• 

  జై శ్రీరామ్.. నినాదాల మధ్య ఆలయంలోకి రామ్‌లల్లా విగ్రహం!

  National

• 

  బీఆర్ఎస్ మాజీ ఎమ్మెల్యే షకీల్‌కు షాక్.. తనయుడి ర్యాష్ డ్రైవింగ్ కేసులో షకీల్ పేరు

  National