ఈ సారి ఎన్ని వినాయక విగ్రహాలో తెలుసా?

వినాయక చవితి వచ్చిందంటే చాలు మన హైదరాబాద్ నగరం ఒక రకంగా ముస్తాబవుతుంది. వినాయక చవితి కోసం నగరంలోని గల్లీలన్నీ అందంగా ముస్తాబవుతుంటాయి. చవితి ఉత్సవాలను ఘనంగా సెలబ్రేట్ చేసేందుకు ప్రభుత్వం కూడా పెద్ద ఎత్తున నిధులను విడుదల చేస్తూ ఉంటుంది. ఉత్సవాల నేపథ్యంలో ఎటువంటి అవాంచనీయ ఘటనలు చోటు చేసుకోకుండా ఉండేందుకు పోలీసులు భారీ బందోబస్తును ఏర్పాటు చేస్తారు. నగరంలో ఈ ఏడు ఉన్న కమిషనరేట్ ల వ్యాప్తంగా చాలా వినాయక మండపాలు వెలవనున్నాయి. ఈ […]

వినాయక చవితి వచ్చిందంటే చాలు మన హైదరాబాద్ నగరం ఒక రకంగా ముస్తాబవుతుంది. వినాయక చవితి కోసం నగరంలోని గల్లీలన్నీ అందంగా ముస్తాబవుతుంటాయి. చవితి ఉత్సవాలను ఘనంగా సెలబ్రేట్ చేసేందుకు ప్రభుత్వం కూడా పెద్ద ఎత్తున నిధులను విడుదల చేస్తూ ఉంటుంది. ఉత్సవాల నేపథ్యంలో ఎటువంటి అవాంచనీయ ఘటనలు చోటు చేసుకోకుండా ఉండేందుకు పోలీసులు భారీ బందోబస్తును ఏర్పాటు చేస్తారు. నగరంలో ఈ ఏడు ఉన్న కమిషనరేట్ ల వ్యాప్తంగా చాలా వినాయక మండపాలు వెలవనున్నాయి. ఈ వినాయక మండపాల కోసం కూడా ప్రత్యేకంగా పోలీసు వారి దగ్గర పర్మిషన్ తీసుకోవాల్సి ఉంటుంది. అందుకోసం అన్ని వివరాలతో అప్లై చేయాలి. మన వివరాలు ఏ మాత్రం కరెక్టు గా లేకున్నా కానీ మనకు పర్మిషన్ రాదు. విగ్రహం పెట్టుకోవడానికి పర్మిషన్ తో పనేముందని మనం అనుకుంటే అది పొరపాటే అవుతుంది. ఎందుకోసమంటే వినాయక నిమజ్జనం సమయంలో కూడా పర్మిషన్ లెటర్ అనేది చాలా ఉపయోగపడుతుంది. కాబట్టే అందరూ ఈ పర్మిషన్ తీసుకుని వినాయకుడిని ప్రతిష్టిస్తూ ఉంటారు. కొంత మంది ఈ పర్మిషన్లు తీసుకోక ఇబ్బందులు పడుతుంటారు. వారి వల్ల వారితో పాటు పక్క వారికి కూడా ఇబ్బంది కలుగుతుంది. 

గ్రీన్ గణేషా ఎక్కడ… 

గణేష్ చవితి వచ్చిన ప్రతిసారి మనకు మొదట వినిపించే పదాలు మట్టి వినాయకుడు, లేదా గ్రీన్ గణేషా.. గ్రీన్ గణేషుడిని ట్రెండ్ ను ఎక్కువ చేసేందుకు ప్రభుత్వంతో పాటు అనేక రకాల స్వచ్ఛంద సంస్థలు కూడా ప్రయత్నాలు చేస్తున్నాయి. కానీ ఈ ప్రయత్నాలు మాత్రం అనుకున్నంత రేంజ్ లో సఫలం కావడం లేదని అందరూ ఒప్పుకుని తీరాలి. అందుకు అనేక కారణాలు ఉన్నాయి. ఈ కాన్సెప్ట్ మీద అందరికీ అవగాహన లేకపోవడం మొదటి విషయం అయితే ఈ కాన్సెప్ట్ వల్ల వచ్చే ఇబ్బందులు కూడా ఒక కారణంగా తెలుస్తోంది. గ్రీన్ గణేషాలో భాగంగా మట్టి వినాయకుడిని లేదా పర్యావరణానికి హాని కలిగించని వినాయకుడిని ప్రతిష్టించాల్సి ఉంటుంది. ఇటువంటి వినాయకులను ప్రతిష్టించాలంటే చిన్న వినాయకులే తప్ప భారీ విగ్రహాలు ప్రతిష్టించడం కుదరదు. ఒక వేళ మనం భారీ మట్టి వినాయకుడిని ప్రతిష్టించినా కానీ ఆ వినాయకుడిని నిమజ్జనం కోసం తీసుకెళ్లేటపుడు అనేక సమస్యలు వస్తాయి. చాలా సందర్భాల్లో అటువంటి భారీ మట్టి వినాయకులను వేరే ప్రదేశానికి తీసుకెళ్లి నిమజ్జనం చేయడం కుదరదు. ఇక మండపంలోనే ఆ వినాయకుడిని నిమజ్జనం చేయాల్సి ఉంటుంది. నిల్వ ఉన్న నీటిలో వినాయకుడిని వేస్తే అది నిమజ్జనం అవుతుంది కానీ వినాయకుడిని నిలబెట్టిన చోటే నిమజ్జనం చేయడం అనేది చాలా ఖర్చుతో కూడుకున్న ప్రక్రియ. ఖర్చు మాత్రమే కాకుండా ఈ ప్రక్రియ సమయం కూడా తీసుకుంటుంది. 

మూడు లక్షల విగ్రహాలు

ఈ సంవత్సరం కమిషనరేట్‌ల వ్యాప్తంగా ఐదు అడుగుల కంటే ఎక్కువ ఎత్తులో మూడు లక్షల విగ్రహాలను ప్రతిష్టించనున్నారు. ఉత్సవాలను సజావుగా నిర్వహించేందుకు సంబంధిత అధికారులతో మంత్రులు శ్రీనివాస్ యాదవ్, హోం మంత్రి మహమూద్ అలీ తదితరులు సమావేశం నిర్వహించారు. సెప్టెంబర్ 19న పండుగ కాగా, సెప్టెంబర్ 28న విగ్రహ నిమజ్జనం ఉండనుంది. కాలుష్యాన్ని నియంత్రించే క్రమంలో 1.3 లక్షల మట్టి విగ్రహాలను పంపిణీ చేయాలని కాలుష్య నియంత్రణ మండలిని ప్రభుత్వం ఆదేశించింది. ముస్లింల పండుగ మిలాద్ ఉన్ నబీ కూడా నిమజ్జనం రోజునే వస్తుంది. ఈ నేపథ్యంలో హిందూ ముస్లింలు ఘర్షణలు పడకుండా ప్రత్యేక ఏర్పాట్లు చేయాలని మంత్రులను ఆదేశించారు. సోదరభావం పెంపొందించేలా చూడాలన్నారు. అత్యున్నత స్థాయి సమావేశంలో మంత్రులు మాట్లాడుతూ.. ఈ ఏడాది ఉత్సవాలు ‘ఎప్పటికంటే ఘనంగా’ జరుగుతాయని చెప్పారు. జూబ్లీహిల్స్‌లోని డాక్టర్ మర్రి చెన్నారెడ్డి హెచ్‌ఆర్‌డీ భవనంలో సమావేశమయ్యారు.

బీఆర్ఎస్ ప్రాధాన్యతనిస్తోంది… 

ఈ సందర్భంగా మంత్రి శ్రీనివాస్ యాదవ్ మాట్లాడుతూ… తెలంగాణ ఏర్పాటైనప్పటి నుంచి బీఆర్‌ఎస్‌ హయాంలో గణేష్‌ చతుర్థి ఉత్సవాలు అంగరంగ వైభవంగా జరుగుతున్నాయని, రాష్ట్ర ప్రభుత్వమే అన్ని ఏర్పాట్లు చేస్తోందని, రాత్రి పూట తినుబండారాలు తెరిచి ప్రజలు స్వేచ్ఛగా తిరిగొచ్చని తెలిపారు. నిమజ్జనాన్ని చూసేందుకు భక్తుల సౌకర్యార్థం ఆర్టీసీ, మెట్రో, ఎంఎంటీఎస్‌ సేవలు అందిస్తామని ఆయన తెలిపారు. రాణిగంజ్‌ రైల్‌ బ్రిడ్జి వద్ద ఉన్న హైట్‌గేజ్‌ను తొలగించాలని రైల్వే అధికారులను ఆదేశించినట్లు పేర్కొన్నారు. పీఓపీ (ప్లాస్టర్ ఆఫ్ ప్యారిస్) విగ్రహాలపై ప్రణాళికాబద్ధంగా ఆంక్షలు విధించడం గురించి అడిగిన ప్రశ్నకు మంత్రి సమాధానం చెబుతూ ప్లాస్టర్ ఆఫ్ పారిస్ వల్ల కలిగే కాలుష్యం యొక్క ప్రతికూల ప్రభావాలపై ప్రజలకు అవగాహన కల్పించాలన్నారు.  

ప్రజలకు అవగాహన కల్పించడానికి ప్రభుత్వం చర్యలు తీసుకుంటోందని కూడా ఆయన వెల్లడించారు. ఈ సమావేశానికి హాజరైన భాగ్యనగర్ గణేష్ ఉత్సవ సమితి ప్రతినిధులు, దేవతకు సమర్పించే 21 రకాల ఆకులను అందించేలా అటవీ శాఖను ఆదేశించాలని మంత్రిని కోరారు. అలాగే దేవాదాయ శాఖ ద్వారా పూజా విధానాలను ప్రచురించాలని మంత్రులను అభ్యర్థించారు. సెక్రటేరియట్‌లో ప్రత్యేకమైన గణేష్ ఆలయాన్ని ఏర్పాటు చేయాలని ఉత్సవ సమితికి చెందిన డాక్టర్ భగవంత్ రావు కోరారు. అంతే కాకుండా ప్రముఖ మండపాల వద్ద రాజకీయ నాయకుల ఫ్లెక్సీలతో ఏర్పాటు చేసిన కటౌట్లను తగ్గించాలని సమితి సభ్యులు మంత్రులను కోరారు. నగరమంతా పొంగిపొర్లుతున్న మురుగునీటి పారుదల పరిస్థితి అధ్వాన్నంగా ఉందని ఒక BGUS సభ్యుడు హోం మంత్రిని ప్రశ్నించగా, మంత్రి ప్రభుత్వ అధికారులను నగరంలో పర్యటించి మరమ్మతులు చేసేందుకు ప్రయత్నించాలని, సరైన వివరాలను తెలుసుకోవాలని ఆదేశించారు.

• 

  తిరుమల భక్తులకు శుభవార్త.. ఏప్రిల్ ఆర్జిత సేవా టికెట్ల కోటా రిలీజ్

  National

• 

  దిల్లీలో దారుణం.. సహజీవనం చేస్తున్న మహిళ కూతురిపై అత్యాచారం!

  National

• 

  ఎన్టీఆర్‌ 28వ వర్థంతి.. నివాళులర్పించిన బాలకృష్ణ, జూనియర్

  National

• 

  జై శ్రీరామ్.. నినాదాల మధ్య ఆలయంలోకి రామ్‌లల్లా విగ్రహం!

  National

• 

  బీఆర్ఎస్ మాజీ ఎమ్మెల్యే షకీల్‌కు షాక్.. తనయుడి ర్యాష్ డ్రైవింగ్ కేసులో షకీల్ పేరు

  National