శరీరానికి ఏ మినరల్స్ అవసరం..?

మినరల్స్‌ మన శరీరం సమర్థవంతంగా పనిచేయడానికి అవసరమైన సూక్ష్మపోషకాలు. మనం ఆరోగ్యంగా ఉండటానికి కాల్షియం, ఫాస్పరస్, పొటాషియం, సోడియం, క్లోరైడ్, మెగ్నీషియం, ఐరన్‌, జింక్‌, అయోడిన్, క్రోమియం, కాపర్‌, ఫ్లోరైడ్, మాలిబ్డినం, మాంగనీస్‌, సెలీనియం వంటి పోషకాలు అవసరం. ఈ పోషకాలు శరీర అభివృద్ధికి, సరైన పనితీరుకు తోడ్పడతాయి. మినరల్స్‌, మన ఆరోగ్యానికి వాటి ప్రాముఖ్యత గురించి తెలుసుకోవాలంటే.. ఈ స్టోరీ చదివేయండి. ఐరన్‌.. ఆక్సిజన్ రవాణా, శక్తి ఉత్పత్తికి ఐరన్ చాలా ముఖ్యమైనది. హార్మోన్లు, కండర […]

Last Updated : 23 September 2023, 02:52 PM IST

మినరల్స్‌ మన శరీరం సమర్థవంతంగా పనిచేయడానికి అవసరమైన సూక్ష్మపోషకాలు. మనం ఆరోగ్యంగా ఉండటానికి కాల్షియం, ఫాస్పరస్, పొటాషియం, సోడియం, క్లోరైడ్, మెగ్నీషియం, ఐరన్‌, జింక్‌, అయోడిన్, క్రోమియం, కాపర్‌, ఫ్లోరైడ్, మాలిబ్డినం, మాంగనీస్‌, సెలీనియం వంటి పోషకాలు అవసరం. ఈ పోషకాలు శరీర అభివృద్ధికి, సరైన పనితీరుకు తోడ్పడతాయి. మినరల్స్‌, మన ఆరోగ్యానికి వాటి ప్రాముఖ్యత గురించి తెలుసుకోవాలంటే.. ఈ స్టోరీ చదివేయండి.

ఐరన్‌..

ఆక్సిజన్ రవాణా, శక్తి ఉత్పత్తికి ఐరన్ చాలా ముఖ్యమైనది. హార్మోన్లు, కండర బంధనాలు, ఇతర అనుసంధాన కణజాలాల తయారీకి సైతం ఐరన్‌ తోడ్పడుతుంది. ఇది రక్తలేమిని దూరం చేస్తుంది. మాంసం, జంతు కాలేయం, చేపలు, పీతలు, రొయ్యలు, చికెన్, చిక్కుళ్లు, శనగలు, ఉలవలు, రాజ్మా, సోయాబీన్స్, పప్పులతో పాటు పాలకూర, తోటకూర వంటి ఆకుకూరల్లో ఐరన్‌ దండిగా ఉంటుంది.

పనితీరుకు తోడ్పడతాయి..

మన శరీరంలోని అనేక విధులకు మినరల్స్‌ చాలా ముఖ్యం. ఇవి ఎంజైమాటిక్ ప్రతిచర్యలలో సహ-కారకాలుగా పనిచేస్తాయి, ద్రవ సమతుల్యతను కాపాడతాయి, నరాల పనితీరుకు మద్దతు ఇస్తాయి, ఎముకలు, దంతాలను దృఢంగా మారుస్తాయి. మినరల్స్‌ జీవక్రియ, సెల్యులార్‌ పనితీరు, మొత్తం శారీరక సమతుల్యతకు కీలక పాత్ర పోషిస్తాయి.

ఉదాహరణకు, సోడియం, పొటాషియం, క్లోరైడ్ వంటి ఎలక్ట్రోలైట్లు కణాల లోపల, చుట్టూ ద్రవ సమతుల్యతను నియంత్రిస్తాయి. సరైన నరాల పనితీరు, కండరాల సంకోచం, రక్తపోటును నిర్వహించడంలో ఇవి తోడ్పడతాయి.

రక్తహీనతకు చెక్‌..

ఐరన్ హిమోగ్లోబిన్ తయారవ్వడానికి తోడ్పడుతుంది, హిమోగ్లోబిన్‌ ఎర్ర రక్త కణాలలో కనిపించే ప్రోటీన్, ఇది శరీరం అంతటా ఆక్సిజన్‌ను బంధిస్తుంది, రవాణా చేస్తుంది. ఐరన్‌ లోపం రక్తహీనతకు దారితీస్తుంది. అదే విధంగా, రోగ నిరోధక వ్యవస్థ సరైన పని తీరుకు జింక్ అవసరం, రోగనిరోధక కణాల అభివృద్ధి, క్రియాశీలత, ఇన్ఫెక్షన్ల నుంచి రక్షించడానికి తోడ్పడుతుంది. మన శరీరంలో ఎముకలు ఆరోగ్యంగా, దృఢంగా ఉండటానికి కాల్షియం అవసరం. రక్త గడ్డకట్టడానికి కాల్షియం తోడ్పడుతుంది, గాయాలు అయినప్పుడు రక్తస్రావాన్ని నిరోధిస్తుంది.

మన శరీరంలో మినరల్స్‌ లోపాలు బలహీనమైన ఎముకలు, రక్తహీనత, కండరాల తిమ్మిరి, రోగనిరోధక శక్తి బలహీనపడటం వంటి అనారోగ్యాలకు దారితీస్తుంది. మినరల్స్‌ లోపం దూరం చేసుకోవడానికి.. ఖనిజాలు అధికంగా ఉండే సమతుల్య ఆహారాన్ని తీసుకోవాలి. కొన్ని సందర్భాల్లో, మినరల్ సప్లిమెంట్స్ అవసరం కావచ్చు.

ముఖ్యమైన మినరల్స్‌..

కాల్షియం..

ఎముకల దృఢత్వానికి, కండరాల పనితీరుకు, నరాల సంకేతాలకు, రక్తం గడ్డకట్టడానికి కాల్షియం అవసరం. కాల్షియం పాలు, పాల ఉత్పత్తులు, సాల్మన్‌, సార్డినెస్ చేలు, టోఫూ, సోయా పానీయాలు, ఆకుకూరలు, బ్రకోలీ, చిక్కుళ్లలో మెండుగా ఉంటుంది. కాల్షియం సమృద్ధిగా పొందడానికి మీ డైట్‌ ఈ ఆహార పదార్థాలు చేర్చుకోండి.

మెగ్నీషియం..

మెగ్నీషియం కండరాలు, నరాల పనితీరు, శక్తి, జీవక్రియ, ఎముకల ఆరోగ్యానికి మద్దతు ఇస్తుంది. ఇది గింజలు, విత్తనాలు, చిక్కుళ్లు, ఆకు కూరలు, సీఫుడ్, చాక్లెట్, ఆర్టిచోక్‌ల్లో లభిస్తుంది.

జింక్‌..

రోగ నిరోధక ప్రతిస్పందన, గాయం నయం చేయడానికి, చర్మ ఆరోగ్యానికి జింక్ ముఖ్యమైనది. చికెన్, రెడ్‌మీట్‌, బీఫ్‌, షెల్‌ఫిష్‌, సాల్మన్‌ చేపలు, గుడ్లు, బాదం, వాల్‌నట్స్‌, వేరుశెనగ, జీడిపప్పు, సెనగలు, స్ట్రాబెర్రీ, బ్లూ బెర్రీ, రాస్బెర్రీలోనూ జింక్‌ సమృద్ధిగా లభిస్తుంది.

పొటాషియం..

పొటాషియం ద్రవ సమతుల్యత, కండరాల సంకోచాలు, నరాల పనితీరును నియంత్రిస్తుంది. ఇది చికెన్, పాలు, తాజా పండ్లు, కూరగాయలు, తృణధాన్యాలు, చిక్కుళ్లలో లభిస్తుంది.

సోడియం..

సోడియం ద్రవ సమతుల్యత, నరాల సిగ్నలింగ్‌, కండరాల పనితీరును నిర్వహిస్తుంది. ఇది టేబుల్ సాల్ట్, సోయా సాస్‌లో దొరుకుతుంది. ప్రాసెస్ చేసిన ఆహారాలలో పెద్ద మొత్తంలో ఉంటుంది/ తక్కువ మొత్తంలో సోడియం పాలు, రొట్టెలు, కూరగాయలు, ప్రాసెస్ చేయని మాంసాలలోనూ ఉంటుంది. అయితే సోడియం తక్కువ మొత్తంలోనే తీసుకోవాలని నిపుణులు సూచిస్తున్నారు.

Tags :