ప్రయాణంలో వాంతులు వికారంతో ఇబ్బంది పడుతున్నారా?

కొంతమంది ప్రయాణమంటే భయపడుతుంటారు. కారు, బస్సులో ట్రావల్‌ చేయాలంటే ఇష్టపడరు. ఎందుకంటే వారిని వికారం, వాంతులు తీవ్రంగా ఇబ్బంది పెడతాయి. ఈ సమస్యను చిన్న టిప్స్‌తో దూరం చేసుకోవచ్చు. కొంతమందికి ప్రయాణాలంటే చాలా ఇష్టం ఉన్నా.. ధైర్యం చేయలేరు. ఇక బస్సు, కారులో ప్రయాణమంటే ఇంకా భయపడతారు. దానికి కారణం.. వాంతులు. ప్రతి ముగ్గురిలో ఒకరి ఈ సమస్య ఉంటుంది. బస్సు, కారులో ప్రయాణం చేస్తుండగా.. కళ్లు తిరగడం, వాంతులు కావడం చాలా మందిని తీవ్రంగా ఇబ్బంది […]

Last Updated : 08 October 2023, 10:23 PM IST

కొంతమంది ప్రయాణమంటే భయపడుతుంటారు. కారు, బస్సులో ట్రావల్‌ చేయాలంటే ఇష్టపడరు. ఎందుకంటే వారిని వికారం, వాంతులు తీవ్రంగా ఇబ్బంది పెడతాయి. ఈ సమస్యను చిన్న టిప్స్‌తో దూరం చేసుకోవచ్చు.

కొంతమందికి ప్రయాణాలంటే చాలా ఇష్టం ఉన్నా.. ధైర్యం చేయలేరు. ఇక బస్సు, కారులో ప్రయాణమంటే ఇంకా భయపడతారు. దానికి కారణం.. వాంతులు. ప్రతి ముగ్గురిలో ఒకరి ఈ సమస్య ఉంటుంది. బస్సు, కారులో ప్రయాణం చేస్తుండగా.. కళ్లు తిరగడం, వాంతులు కావడం చాలా మందిని తీవ్రంగా ఇబ్బంది పెట్టే సమస్య. కొంతమందికి ప్రయాణం మొదలు కాగానే.. ఈ సమస్య స్టార్ట్‌ అవుతుంది. మరి కొందరిలో ఎక్కువ సేపు ప్రయాణం తర్వాత, ఎగుడుదిగుడు రోడ్లు, ఘాట్ రోడ్డు ప్రయాణం, వాహనంలో వాసనలు వలన వాంతులు వస్తాయి. ఈ సమస్య బస్సు, కారులోనే కాదు రైళ్లు, విమానం, షిప్స్‌ ఎక్కినా కూడా ఉంటుంది. కొంతమందికి బైక్‌ ఎక్కినా వాంతులు అవుతుంటాయి. ఈ సమస్య ఉన్నవారు.. ప్రయాణం చేసేప్పుడు కొన్ని టిప్స్ ఫాలో అయితే.. వారికి జర్నీ హ్యాపీగా జరుగుతుంది.

ప్రయాణాల్లో తల తిరగడం, వాంతులు కావడానికి చెవిలో ఉండే ‘లాబ్రింథైస్‘ అనే భాగమే కారణమని నిపుణులు అంటున్నారు. మన చెవిలో ఉన్న లాబ్రింథైస్ స్థితిలో ఏ చిన్న మార్పులు జరిగినా వాంతి అవుతుంది. మనం రోజూ స్నానం చేయకపోయినా, మన చెవిని శుభ్రపరచకపోయినా చెవిలో ఉన్న లాబ్రింథైస్‌పై ప్రభావం పడుతుంది. లాబ్రింథైస్‌ మెదడుకు పంపాల్సి సంకేతాలు సరిగా పంపదు.

కారులో ముందు సీటులో కూర్చున్నప్పటి కన్నా వెనక కూర్చుంటే వాంతయ్యే అవకాశం ఎక్కువగా ఉంటుంది. బస్సులోనూ వీలైనంతవరకు ముందు వరుసలో కూర్చోవటం మంచిది. ట్రైన్‌లో రైలు కదిలే దిశవైపు ముఖం పెట్టి కూర్చోవాలి. కిటికీ పక్కన కూర్చుంటే మంచిది. ప్రయాణించే సమయంలో తగినంత గాలి తగిలేలా చూసుకోవాలి. కారులో ఏసీ వాడుకోవచ్చు. రైలులో, బస్సులో కిటికీ నుంచి వచ్చే గాలి ముఖానికి తగిలేలా చూసుకోవాలి. ఇలా చేస్తే మీకు తల తిరగడం, వాంతుల అయ్యే సమస్య తగ్గుతుంది. కాబట్టి ప్రయాణాల్లో వాంతి, వికారాలు కలగకుండా తగ్గించే కొన్ని చిన్నచిన్న చిట్కాలు ఉన్నాయి. వాటిని పాటిస్తే ప్రయాణాల్లో వాంతులు అయ్యే అవకాశం తగ్గవచ్చు.’

లవంగాలు: లవంగాలు మీ కడుపుకు సహాయపడే ప్రత్యేక లక్షణాలను కలిగి ఉంటాయి. మీ ప్రయాణంలో మీకు అనారోగ్యంగా అనిపించినప్పుడు కొన్ని పచ్చి లవంగాలను నమలండి మరియు అది మీకు మంచి అనుభూతిని కలిగిస్తుంది.

జీలకర్ర: జీలకర్ర జీర్ణక్రియకు సహాయపడుతుంది. కొన్ని జీలకర్ర పొడిని నీళ్లలో కలిపి బాగా కలుపుకుని తాగాలి.

పుదీనా: పుదీనా మీ కడుపు కండరాలను సడలిస్తుంది మరియు మీ కడుపులోని హానికరమైన పదార్థాలతో కూడా పోరాడగలదు. మోషన్ సిక్‌నెస్‌తో బాధపడినప్పుడు తాజా పుదీనా ఆకులను నమలండి.

నిమ్మరసం: నిమ్మరసం యాంటీఆక్సిడెంట్లతో నిండి ఉంటుంది మరియు ఇది మీ పొట్టను శుభ్రపరుస్తుంది. నిమ్మరసంలోని విటమిన్ సి మీ కడుపులో మీకు అనారోగ్యం కలిగించే ఏదైనా వదిలించుకోవడానికి కూడా సహాయపడుతుంది. వికారం తగ్గించడానికి నిమ్మకాయ నీటిని సిప్ చేయండి.

అల్లం: అల్లంలో వికారాన్ని తగ్గించే గుణాలు ఉన్నాయి. మీకు వికారంగా ఉంటే.. అల్లంతో చేసిన మురబ్బా తినండి. ఇది మీకు మార్కెట్లో దొరుకుంది. దీన్ని తింటే మీకు కొంత ఉపశమనం లభిస్తుంది. ఒక టేబుల్‌ స్పూన్‌ అల్లం పొడిని వేడి నీటిలో వేసుకుని తాగినా కూడా మీకు తక్షణ ఉపశమనం లభిస్తుంది. అల్లం టీ తాగినా కూడా.. మీకు వికారం తగ్గి సమస్య దూరమవుతుంది.

యాలకులు: యాలకులు ఈ సమస్యకు చక్కగా పని చేస్తుంది. ఒకటి లేదా రెండు యాలకులు తింటే మీకు వికారం తగ్గుతుంది. మీ నోటి రూచి మారినా మీకు ఉపశమనం లభిస్తుంది. ఇలా చేస్తే వాంతి వచ్చే భావన తగ్గుతుంది. ప్రయాణం సమయంలో తులసి ఆకులు నమిలినా.. కొందరికి వాంతి భావన తగ్గే అవకాశముంది.

దృష్టి మార్చుకోండి: ప్రయాణంలో ఉన్నప్పుడు మాకు వాంతులవుతాయి అనే భావన తొలిగించాలి. ప్రయాణంలో ఎన్నో ప్రకృతి అందాలు, కొత్త రకం మనుషులు, వారి ముఖాలు, వారి ప్రవర్తన చూస్తూ ఆ పరిసరాలను ఆస్వాదించడం వల్ల కూడా ఈ సమస్య నుంచి దూరంగా ఉండొచ్చు. అలాగే ప్రయాణంలో తలని అటూఇటు తిప్పకుండా ఏదో ఒక పాయింట్ పై దృష్టి కేంద్రీకరిస్తూ చూస్తే.. మీకు వాంతులు కావు. ప్రయాణంలో పుస్తకాలు వంటివి చదవొద్దు.
విరామం తీసుకోండి: కారులో ప్రయాణించేప్పుడు.. మధ్యమధ్యలో విరామం తీసుకోండి.. మీకు కొంత ఉపశమనం లభిస్తుంది. సంగీతం వినటం వల్ల మానసిక ప్రశాంతత చేకూరుతుంది. ఇది వాంతి భావన నుంచి మనసు మళ్లేలా చేస్తుంది. కొందరికి పడుకుంటే హాయిగా ఉంటుంది. వీలుంటే కారులో , రైలులో సీటు మీద నడుం వాల్చొచ్చు. కొందరికి నిల్చుంటే బాగుండొచ్చు. ఇలాంటివారు బస్సులో, రైలులో నిలబడితే మేలు. గుర్తుంచుకోండి, ఈ నివారణలు సహజమైనవి మరియు చలన అనారోగ్యానికి చాలా ప్రభావవంతంగా ఉంటాయి. కానీ మీరు చాలా వాంతులు మరియు నిర్జలీకరణానికి గురైనట్లయితే, తీవ్రమైన నిర్జలీకరణం ప్రమాదకరమైనది కనుక వైద్యుడిని చూడటం చాలా ముఖ్యం.

Tags :