అధిక రక్తపోటు, ఊబకాయంతో బాధ పడుతున్నారా..?

అనేక జీవనశైలి మార్పులు రక్తపోటును తగ్గించడంలో మీకు సహాయపడతాయని నిపుణులు సూచిస్తున్నారు. పోషకాహారం, క్రమం తప్పకుండా వ్యాయామం చేయడం మంచిది. చాలా మంది వైద్యులు ప్రతిరోజూ 30 నుండి 40 నిమిషాలు నడవాలని సిఫార్సు చేస్తారు. అయితే ఏదైనా ఏరోబిక్ యాక్టివిటీ గుండెకు సహాయపడుతుంది. మధుమేహ వ్యాధిగ్రస్తులు కాని వారికంటే మధుమేహ వ్యాధిగ్రస్తులు రెండు రెట్లు అధిక రక్తపోటును కలిగి ఉంటారు. దీనిని నిర్లక్ష్యంగా వదిలేస్తే, గుండె జబ్బులు, స్ట్రోక్‌కు దారితీస్తుంది. వాస్తవానికి, మధుమేహం, అధిక రక్తపోటు […]

Last Updated : 02 September 2023, 04:57 PM IST

అనేక జీవనశైలి మార్పులు రక్తపోటును తగ్గించడంలో మీకు సహాయపడతాయని నిపుణులు సూచిస్తున్నారు. పోషకాహారం, క్రమం తప్పకుండా వ్యాయామం చేయడం మంచిది. చాలా మంది వైద్యులు ప్రతిరోజూ 30 నుండి 40 నిమిషాలు నడవాలని సిఫార్సు చేస్తారు. అయితే ఏదైనా ఏరోబిక్ యాక్టివిటీ గుండెకు సహాయపడుతుంది. మధుమేహ వ్యాధిగ్రస్తులు కాని వారికంటే మధుమేహ వ్యాధిగ్రస్తులు రెండు రెట్లు అధిక రక్తపోటును కలిగి ఉంటారు. దీనిని నిర్లక్ష్యంగా వదిలేస్తే, గుండె జబ్బులు, స్ట్రోక్‌కు దారితీస్తుంది.

వాస్తవానికి, మధుమేహం, అధిక రక్తపోటు ఉన్న వ్యక్తి గుండె జబ్బులు వచ్చే ప్రమాదం నాలుగు రెట్లు ఎక్కువ అని నివేదికలు సూచిస్తున్నాయి. మధుమేహం ఉన్నవారిలో దాదాపు మూడింట రెండు వంతుల మందికి 130/80 కంటే ఎక్కువ రక్తపోటు ఉంటుంది. ఇలాంటి వారికి వైద్యుల సూచన మేరకు హైపర్‌టెన్షన్ మందులు అవసరం.

డయాబెటిస్ ధమనులను ప్రభావితం చేస్తుంది, వాటిని గట్టిపడటానికి కారణమౌతుంది. దీనినే అథెరోస్క్లెరోసిస్ అని పిలుస్తారు. ఇది అధిక రక్తపోటుకు దారి తీస్తుంది, ఇది, చికిత్స చేయకుండా వదిలేస్తే, రక్తనాళాలు దెబ్బతినడం, గుండెపోటు , మూత్రపిండ వైఫల్యం వంటి సమస్యలకు దారితీసే ప్రమాదం ఉంటుంది. సాధారణ రక్తపోటు ఉన్న వ్యక్తుల కంటే మధుమేహంతో రక్తపోటు కలిగి ఉన్న వ్యక్తులు ఎక్కువగా ఉంటారని నిపుణులు చెబుతున్నారు.

గుండె జబ్బు, కరోనరీ ఆర్టరీ వ్యాధి, స్ట్రోక్స్ పెరిఫెరల్ వాస్కులర్ వ్యాధి కాళ్లు , పాదాలలో ధమనులు గట్టిపడటం వంటి సమస్యలు తలెత్తుతాయి. సాధారణం కంటే ఎక్కువ రక్తపోటు (120/80 నుండి 129/80 వరకు) గుండె ఆరోగ్యంపై ప్రభావం చూపుతుంది. అధ్యయనాల ప్రకారం, పదేళ్ల వ్యవధిలో గుండె జబ్బులు వచ్చే అవకాశం రెండు నుండి మూడు రెట్లు పెరుగుతుంది.

ప్రస్తుతం ఊబకాయం సమస్యల కారణంగా యువతే కాకుండా చిన్న పిల్లలు కూడా పడుతున్నారు. ఇలాంటి సమస్యలతో బాధపడే పిల్లలను తల్లిదండ్రులు చూసి చూడనట్లు వదిలేస్తున్నారు. మరి కొంతమందైతే పిల్లలు నిండు శరీరాన్ని కలిగి ఉండడం వల్ల ఆరోగ్యంగా ఉన్నారని అనుకుంటున్నారు. అయితే ఇలా అనుకుంటే పప్పులో కాలేసిన్నట్లేనని ఆరోగ్య నిపుణులు చెబుతున్నారు. పిల్లలో అధిక బరువు, ఊబకాయం కారణంగా టైప్ 2 డయాబెటిస్, గుండె జబ్బులు, అధిక రక్తపోటు, కీళ్ల సమస్యలు వచ్చే అవకాశాలు అధికమని ఆరోగ్య నిపుణులు సూచిస్తున్నారు.

ఊబకాయం, థైరాయిడ్ సంబంధిత క్యాన్సర్ మధ్య సంబంధాన్ని పరిశీలించే ముందు, థైరాయిడ్ పనితీరుపై ఊబకాయం ప్రభావాన్ని అర్థం చేసుకోవడం చాలా ముఖ్యం. ఊబకాయం థైరాయిడ్ గ్రంధి ద్వారా ఉత్పత్తి చేయబడిన వాటితో సహా శరీరంలోని సున్నితమైన హార్మోన్ల సమతుల్యతను దెబ్బతీస్తుంది. థైరాయిడ్ గ్రంధి జీవక్రియ, పెరుగుదల, అభివృద్ధిని నియంత్రించడంలో కీలక పాత్ర పోషిస్తుంది. ఇది థైరాక్సిన్ (T4), ట్రైయోడోథైరోనిన్ (T3) వంటి హార్మోన్లను ఉత్పత్తి చేస్తుంది, ఇది శరీరం శక్తి వ్యయాన్ని నియంత్రిస్తుంది. సెల్యులార్ ప్రక్రియలను ప్రభావితం చేస్తుంది.

ముందుజాగ్రత్తలు:

ఆరోగ్యకరమైన బరువును నిర్వహించండి: ఎత్తు, శరీర నిర్మాణానికి సరిపోయే విధంగా శరీర బరువును నిర్వహించడానికి కృషి చేయాలి.

ఆరోగ్యకరమైన ఆహారాన్ని తీసుకోవాలి: పుష్కలంగా పండ్లు, కూరగాయలు, తృణధాన్యాలు, లీన్ ప్రొటీన్లు, ఆరోగ్యకరమైన కొవ్వులతో కూడిన పోషకాలు అధికంగా ఉండే ఆహారం తీసుకోవడంపై దృష్టి పెట్టండి. ప్రాసెస్ చేసిన ఆహారాలు, చక్కెర పానీయాలు, అధిక కేలరీల స్నాక్స్ తీసుకోవడం మానుకోవాలి.
సాధారణ శారీరక శ్రమ: వారానికి కనీసం 150 నిమిషాల మితమైన తీవ్రత ఏరోబిక్ వ్యాయామం లేదా 75 నిమిషాల ఏరోబిక్ వ్యాయామం లక్ష్యంగా పెట్టుకోవాలి. రెగ్యులర్ ఫిజికల్ యాక్టివిటీ బరువు నిర్వహణతో పాటు అనేక ఆరోగ్య ప్రయోజనాలను కూడా అందిస్తుంది.

Tags :