పాకిస్తాన్ కోర్టు నుంచి లైవ్ స్ట్రీమింగ్

మనం చాలా సందర్భాలలో ఇతర దేశాల కోర్టులో జరిగే హియరింగ్స్ యూట్యూబ్ లో లైవ్ పెట్టడం చూసే ఉంటాం. ప్రత్యేకించి ఇతర దేశాలలో కోర్టులలో జరిగే కొన్ని వాదనలు పబ్లిక్ చూసేలా లైవ్ స్ట్రీమ్ చేసే వెసులుబాటు ఉంటుంది. అయితే ఇప్పటి వరకు కూడా పాకిస్తాన్ లో ఇటువంటి సిస్టం వెలుగులోకి రాలేనప్పటికీ, ఇటీవల కొత్తగా వచ్చిన సుప్రీంకోర్టు న్యాయమూర్తి ఇకమీదట కోర్టులో జరిగే కొన్ని హియరింగ్స్ లైవ్ స్ట్రీమ్ అవుతాయంటూ వెల్లడించడం జరిగింది.. ఇది నిజానికి […]

Last Updated : 19 September 2023, 12:56 PM IST

మనం చాలా సందర్భాలలో ఇతర దేశాల కోర్టులో జరిగే హియరింగ్స్ యూట్యూబ్ లో లైవ్ పెట్టడం చూసే ఉంటాం. ప్రత్యేకించి ఇతర దేశాలలో కోర్టులలో జరిగే కొన్ని వాదనలు పబ్లిక్ చూసేలా లైవ్ స్ట్రీమ్ చేసే వెసులుబాటు ఉంటుంది. అయితే ఇప్పటి వరకు కూడా పాకిస్తాన్ లో ఇటువంటి సిస్టం వెలుగులోకి రాలేనప్పటికీ, ఇటీవల కొత్తగా వచ్చిన సుప్రీంకోర్టు న్యాయమూర్తి ఇకమీదట కోర్టులో జరిగే కొన్ని హియరింగ్స్ లైవ్ స్ట్రీమ్ అవుతాయంటూ వెల్లడించడం జరిగింది.. ఇది నిజానికి పాకిస్తాన్ చరిత్రలో మొదటిసారి. సుప్రీంకోర్టుకు వచ్చిన కొత్త ప్రధాన న్యాయమూర్తి ద్వారా మరికొన్ని చట్టాలను కూడా వెనక్కి తీసుకు వచ్చినట్లు సమాచారం.

ఇదే మొదటిసారి:

పాకిస్థాన్ చరిత్రలో తొలిసారిగా, సుప్రీంకోర్టు కొత్త ప్రధాన న్యాయమూర్తి ఖాజీ ఫేజ్ ఇసా, కోర్టులో జరిగే కేసుల విచారణను ప్రత్యక్ష ప్రసారం(లైవ్ స్ట్రీమింగ్) చేయడం ప్రారంభించింది. జస్టిస్ ఉమర్ అటా బండియాల్ పదవీ విరమణ జరిగిన అనంతరం, ఆదివారం పాకిస్తాన్ 29వ ప్రధాన న్యాయమూర్తిగా (సిజెపి) జస్టిస్ ఇసా (63) ప్రమాణ స్వీకారం చేశారు. అతని పదవీకాలం 13 నెలల పాటు కొనసాగుతుంది, అక్టోబర్ 25, 2024తో ముగుస్తుంది.

సుప్రీం కోర్ట్ (ప్రాక్టీస్ అండ్ ప్రొసీజర్) చట్టం 2023ని సవాలు చేసే పిటిషన్‌ల సెట్‌ను ప్రత్యక్ష ప్రసారం చేయడం జరిగింద. దీనికి న్యాయస్థానంలోని ముగ్గురు సీనియర్ న్యాయమూర్తుల కమిటీ ప్రజా ప్రాముఖ్యత కలిగిన రాజ్యాంగపరమైన విషయాలపై బెంచ్‌లను ఏర్పాటు చేయడం అవసరం.

పాకిస్తాన్ ముస్లిం లీగ్-నవాజ్ (PML-N) నేతృత్వంలోని గత ప్రభుత్వం ఈ ఏడాది ఏప్రిల్‌లో ఆమోదించిన ఈ చట్టం ద్వారా న్యాయమూర్తుల ఏర్పాటుపై తన అధికారాలు తగ్గనున్న క్రమంలో.. సుమోటో అంశంపై అప్పటి ప్రధాన న్యాయమూర్తి బండియల్ అధికారాలను తగ్గించే ప్రయత్నాలు జరిగినట్లు తెలుస్తోంది. బాండియల్ తన తుది తీర్పు వచ్చే వరకు, ఇటువంటి చట్టం వర్తించదు అంటూ పేర్కొంది. కానీ ఈ క్రమంలోనే మొదటి రోజు కొత్త ప్రధాన న్యాయమూర్తి ఫుల్ కోర్టు బెంచ్‌ను ఏర్పాటు చేసి విచారణను ప్రారంభించారు.

మరి కొన్ని చట్టాలు:

CJP.. అదేవిధంగా మరో ఇద్దరు సీనియర్ న్యాయమూర్తులతో కూడిన ముగ్గురు సభ్యుల ధర్మాసనం కోసం ప్రత్యేక ఏర్పాట్లు చేపట్టాలా వద్దా అని నిర్ణయిస్తుందని చట్టం పేర్కొంది. ఇది ఇలా ఉండగా ఇంతకుముందు, ఇది CJPకి మాత్రమే ప్రత్యేక హక్కుగా ఉండేది. ఇది సుప్రీమ్ కోర్ట్.. సమీక్ష అధికార పరిధికి పెంచే అవకాశాన్ని సూచిస్తుంది. కేసుల్లో తీర్పు వెలువడిన 30 రోజులలోపు, ఎవరైనా సరే అప్పీల్ దాఖలు చేసే హక్కును కల్పించడం జరుగుతుంది.

2017లో సుప్రీం కోర్టు ద్వారానే తన అనర్హత వేటుపై అప్పీల్‌ను దాఖలు చేయడానికి మాజీ ప్రధాని మరియు పీఎంఎల్-ఎన్ అధినేత నవాజ్ షరీఫ్‌ ఇటువంటి చట్టాన్ని చాలా బాగా ఉపయోగించుకున్నారు. జస్టిస్ ఇసా పాకిస్తాన్ కొత్త ప్రధాన న్యాయమూర్తిగా మొదటి రోజు, న్యాయస్థానానికి వెళ్లే క్రమంలో గౌరవ గార్డును తనతో పాటు ఉండేందుకు కూడా నిరాకరించడం గమనార్హం, ఇప్పటివరకు ఉన్న కొన్ని పద్ధతుల్లో, గార్డుని తమతో పాటు తీసుకువెళ్లడం నిరాకరించిన మొదటి న్యాయమూర్తి జస్టిస్ ఇసా.

ఇతర దేశాల్లో పాపులర్ కేసులు:

లైవ్ స్ట్రీమింగ్ జరిగిన కొన్ని కేసులు చూస్తే చాలా ఆశ్చర్యం కలుగుతూ ఉంటుంది. ముఖ్యంగా యూట్యూబ్ లో అప్లోడ్ చేయబడిన ఆఫ్రికా కోర్టుకు సంబంధించి లైవ్ స్ట్రీమింగ్ పాపులర్ గా మారింది. నిజానికి ఒక బిడ్డకు తన తండ్రి అసలైన రక్తసంబంధం ఉన్న తండ్రి.. అవునా కాదా అంటూ జరిగే కొన్ని వాదనలు, దానికి సంబంధించిన రిజల్ట్స్, ఇటీవల యూట్యూబ్ లో పాపులర్ గా మారాయి.

మరో దేశంలో ఒక ముసలాయన తన కొడుకును హాస్పిటల్ కి తీసుకు వెళ్తూ ట్రాఫిక్ సిగ్నల్స్ ఉల్లంఘించినందుకు జరిగిన విచారణ కూడా యూట్యూబ్ లో పాపులర్ గా మారింది. నిజానికి ఆ ముసలాయనకు 85 ఏళ్ళు వచ్చినప్పటికీ, తన 63 సంవత్సరాల వికలాంగుడైన కొడుకుని అర్జెంటుగా హాస్పిటల్ కు తీసుకు వెళ్లేందుకే తాను కారు నడుపుతూ సిగ్నల్స్ క్రాస్ చేసానని, న్యాయమూర్తికి చెప్పడం అందరినీ కలిచివేసింది.

Tags :