ప్రపంచంలోని అత్యంత రద్దీగా ఉండే 10 విమానాశ్రయాలు: సగం USలోనే.!

విమాన ప్రయాణం మళ్లీ ఊపందుకుంది. 2022లో ప్రపంచంలో అత్యంత రద్దీగా ఉండే టాప్ 10 విమానాశ్రయాలు ఏవో, ఎక్కడ ఉన్నాయో తెలుసుకుందాం. 2022లో ప్రపంచవ్యాప్తంగా 1925 విమానాశ్రయాలను కలిగి ఉన్న ఎయిర్‌పోర్ట్స్ కౌన్సిల్ ఇంటర్నేషనల్ ప్రచురించిన ప్రాథమిక డేటా ప్రకారం.. 2021తో పోల్చితే గ్లోబల్ ట్రాఫిక్ ఏడు బిలియన్ల ప్రయాణికులకు చేరువైంది. అంటే ఇది 53.5% పెరిగింది. COVID-19 మహమ్మారి కంటే ముందు చూసిన ట్రాఫిక్ ఇప్పటికీ ఇంకా తిరిగి రాలేదు. ప్రపంచంలోని అత్యంత రద్దీగా ఉండే […]

Last Updated : 08 April 2023, 06:03 PM IST

విమాన ప్రయాణం మళ్లీ ఊపందుకుంది. 2022లో ప్రపంచంలో అత్యంత రద్దీగా ఉండే టాప్ 10 విమానాశ్రయాలు ఏవో, ఎక్కడ ఉన్నాయో తెలుసుకుందాం.

2022లో ప్రపంచవ్యాప్తంగా 1925 విమానాశ్రయాలను కలిగి ఉన్న ఎయిర్‌పోర్ట్స్ కౌన్సిల్ ఇంటర్నేషనల్ ప్రచురించిన ప్రాథమిక డేటా ప్రకారం.. 2021తో పోల్చితే గ్లోబల్ ట్రాఫిక్ ఏడు బిలియన్ల ప్రయాణికులకు చేరువైంది. అంటే ఇది 53.5% పెరిగింది.

COVID-19 మహమ్మారి కంటే ముందు చూసిన ట్రాఫిక్ ఇప్పటికీ ఇంకా తిరిగి రాలేదు.

ప్రపంచంలోని అత్యంత రద్దీగా ఉండే ఐదు విమానాశ్రయాలు USలో ఉన్నాయి.

హార్ట్స్‌ఫీల్డ్-జాక్సన్ అట్లాంటా అంతర్జాతీయ విమానాశ్రయం వరుసగా రెండవ సంవత్సరం ఈ జాబితాలో అగ్రస్థానంలో ఉంది. గత సంవత్సరం టాప్10 అత్యంత రద్దీగా ఉండే విమానాశ్రయాలలో ఎనిమిది అమెరికాకు చెందినవే ఉన్నాయి.

“యుఎస్ ఎయిర్‌పోర్ట్ హబ్‌లు తమ బలమైన దేశీయ మార్కెట్ కారణంగా త్వరగా కోలుకోగలిగినప్పటికీ.. దుబాయ్, ఇస్తాంబుల్ మరియు లండన్ హీత్రూ విమానాశ్రయాలతో సహా గ్లోబల్ హబ్‌లు ఎగువ ర్యాంక్‌లలో చేరడాన్ని మేము ఇప్పుడు చూస్తున్నాము” అని ఎయిర్‌పోర్ట్స్ కౌన్సిల్ ఇంటర్నేషనల్ వరల్డ్ డైరెక్టర్ జనరల్ లూయిస్ ఫెలిప్ డి ఒలివేరా చెప్పారు.

“యుఎస్ తర్వాత రెండవ అతిపెద్ద విమానయాన మార్కెట్ అయిన చైనా పునఃప్రారంభం అయ్యిది. తద్వారా ఇప్పుడు దేశీయంగా మరియు అంతర్జాతీయ ప్రయాణాలకు మొత్తం లాభం తీసుకురాగలదని భావిస్తున్నామన్నారు ఒలివేరా.

ర్యాంకింగ్ మొత్తం.. ప్రయాణికులు విమానంలో ఎక్కడం మరియు దిగడంపై ఆధారపడి ఉంటుంది.. రవాణాలో ఉన్న ప్రయాణికులను ఒక్కరి మాత్రమే లెక్కిస్తారు.

ప్రపంచంలో అత్యంత రద్దీగా ఉండే టాప్ 10 విమానాశ్రయాలలో పరిస్థితి ఇలా ఉంది:

1. హార్ట్‌ఫీల్డ్-జాక్సన్ అట్లాంటా అంతర్జాతీయ విమానాశ్రయం

హార్ట్స్‌ఫీల్డ్-జాక్సన్ అట్లాంటా అంతర్జాతీయ విమానాశ్రయం. REUTERS టామీ చాపెల్

డెల్టాకు నిలయంగా ఉన్న అట్లాంటా.. ప్రపంచంలోనే అత్యంత రద్దీగా ఉండే విమానాశ్రయంగా పేరుగాంచింది. 2020లో చైనా యొక్క గ్వాంగ్‌జౌ విమానాశ్రయానికి తాత్కాలికంగా కిరీటాన్ని కోల్పోయిన తర్వాత.. 2021లో తిరిగి తన స్థానం పొందింది. అట్లాంటా 2022లో 93 మిలియన్ల మంది ప్రయాణికులను చేరవేసింది. 2021తో పోలిస్తే 23.8%. అయినప్పటికీ, 2019తో పోలిస్తే ఇది ఇప్పటికీ దాదాపు 15% వెనుకబడి ఉంది.

2. డల్లాస్ ఫోర్ట్ వర్త్ అంతర్జాతీయ విమానాశ్రయం.. డల్లాస్/ఫోర్ట్ వర్త్ 2022లో US మరియు ప్రపంచంలో రెండవ అత్యంత రద్దీగా ఉండే విమానాశ్రయం. దాదాపు 73 మిలియన్ల మంది ప్రయాణికులను చేరవేసింది. ఇది 2021 కంటే 17.5% ఎక్కువ, కానీ ఇప్పటికీ 2019 స్థాయి కంటే 2.3% తక్కువ. ఈ విమానాశ్రయం డల్లాస్ మెట్రోపాలిటన్ ప్రాంతానికి సేవలు అందిస్తుంది. ఇది అమెరికాలోకెల్లా అతి ఎక్కువ మంది ప్రయాణం చేసే ప్రదేశం.

3. డెన్వర్ అంతర్జాతీయ విమానాశ్రయం

డెన్వర్ అంతర్జాతీయ విమానాశ్రయం.. గత సంవత్సరం వలె మూడవ స్థానంలో నిలిచింది.ఇది సుమారు 69 మిలియన్ల మంది ప్రయాణీకులను చేరవేసింది. దీని రద్దీ 2020 నుండి 17.8% పెరిగింది. ఈ విమానాశ్రయం ఇప్పుడు మాత్రమే టాప్ 10లో ఉంది. 2019 తరువాత ఇది 0.4% వృద్హి మాత్రమే నమోదైంది. అప్పుడు ఇది 16 వ స్థానంలో ఉంది.

4. చికాగో ఓ’హేర్ అంతర్జాతీయ విమానాశ్రయ.. చికాగోలో అతి పెద్ద విమానాశ్రయం. ఇది 2022లో 68 మిలియన్ల మంది ప్రయాణీకులను చేరవేసింది. ఇది 2021తో పోలిస్తే 26.5% పెరిగింది.

5. దుబాయ్ అంతర్జాతీయ విమానాశ్రయం

దుబాయ్ అంతర్జాతీయ విమానాశ్రయం: 66 మిలియన్ల మంది ప్రయాణీకులతో 5వ స్థానంలో ఉంది. 2021తో పోలిస్తే ఆ సంఖ్య 127% పెరుగుదలను సూచిస్తుంది. ఇది US వెలుపల అత్యంత రద్దీగా ఉండే విమానాశ్రయంగా మారింది. ఇది 2021 తర్వాత టాప్ 10లోపు స్థానాన్ని పొందింది.

6. లాస్ ఏంజిల్స్ అంతర్జాతీయ విమానాశ్రయం

లాస్ ఏంజిల్స్ అంతర్జాతీయ విమానాశ్రయం.. లాస్ ఏంజిల్స్ 2022లో దాదాపు 66 మిలియన్ల మంది ప్రయాణికులను చూసింది. ఇది 2021తో పోలిస్తే దీని ట్రాఫిక్‌ 37.3% పెరిగింది. లాస్ ఏంజిల్స్ ప్రయాణీకుల రద్దీ ఇప్పటికీ 2019 స్థాయిల కంటే 25.1% కంటే తక్కువగా ఉంది. అలాస్కా ఎయిర్‌లైన్స్, యునైటెడ్ ఎయిర్‌లైన్స్, అమెరికన్ మరియు డెల్టా ఎయిర్ లైన్స్‌తో సహా అనేక క్యారియర్‌లకు ఈ విమానాశ్రయం కేంద్రంగా ఉంది.

7. ఇస్తాంబుల్ విమానాశ్రయం.. ఈ జాబితాలోని విమానాశ్రయాలలో ఇస్తాంబుల్ విమానాశ్రయం ఒకటి. మహమ్మారి కంటే ముందు ఇక్కడ ప్రయాణీకుల రద్దీ ఇంకా ఎక్కువగా ఉండేది. 2022లో 64 మిలియన్ల మంది ప్రయాణికులు ప్రయాణించారు. ఇక్కడ 2019తో పోలిస్తే 23% పెరుగుదల మరియు 2021తో పోలిస్తే 74% పెరుగుదల కనిపించింది.

8. లండన్ హీత్రూ విమానాశ్రయం

లండన్ హీత్రూ విమానాశ్రయం.. 2022లో మరే విమానాశ్రయానికీ హీత్రో విమానాశ్రయం కంటే ఎక్కువ ప్రయాణికుల పెరుగుదల లేదు. దాదాపు 62 మిలియన్ల మంది ప్రయాణికులు, గత సంవత్సరంతో పోలిస్తే 218% ట్రాఫిక్ పెరుగుదలతో.. వేసవిలో ప్రయాణ అంతరాయాలను పరిమితం చేయడానికి రోజుకు తాత్కాలికంగా 100,000 మంది ప్రయాణీకుల పరిమితిని ప్రవేశపెట్టినప్పటికీ.. అది 54వ స్థానంలో ఉంది.

9. ఇందిరా గాంధీ అంతర్జాతీయ విమానాశ్రయం

ఇందిరా గాంధీ ఇంటర్నేషనల్ ఎయిర్‌పోర్ట్ అని కూడా పిలువబడే ఢిల్లీ విమానాశ్రయంలో గత సంవత్సరం 59 మిలియన్ల మంది ప్రయాణికులు ప్రయాణించారు. ఇది 2021తో పోలిస్తే 60% ఎక్కువ. ఇది ఇప్పుడు 13వ స్థానంలో ఉంది. విమానాశ్రయ ప్రయాణీకుల సంఖ్య 2019 కంటే 13% తక్కువగా ఉన్నప్పటికీ, 2019లో 17వ స్థానానికి చేరుకున్న ఢిల్లీ.. ఇటీవలి ర్యాంకింగ్‌ల పునర్వ్యవస్థీకరణ వల్ల ప్రయోజనం పొందినట్లు కనిపిస్తోంది.

10. పారిస్ చార్లెస్ డి గల్లె అంతర్జాతీయ విమానాశ్రయం

పారిస్ చార్లెస్ డి గల్లె విమానాశ్రయం.. 2022లో ఫ్రాన్స్‌లోని అతిపెద్ద విమానాశ్రయం నుంచి దాదాపు 57 మిలియన్ల మంది ప్రయాణికులు ప్రయాణించారు. 2021తో పోల్చితే ఇది 119% పెరుగుదల అని పేర్కొన్నారు.

Tags :