న‌వంబ‌ర్ నెల వ‌రుణ్ తేజ్‌కి ఎంతో ప్రత్యేకం

మెగా ప్రిన్స్ అయిన వ‌రుణ్ తేజ్‌ కొణిదెల నవంబర్‌లో పెళ్లి చేసుకోబోతున్న విషయం అందరికీ తెలిసిన విషయమే. అతని వివాహం తర్వాత విడుదలవ్వబోతున్న మొదటి సినిమా ఆపరేషన్: వాలెంటైన్ అని చెప్పుకోవచ్చు. భారతీయ వైమానిక దళం నేపథ్యంపై దృష్టి సారించే హై-ఆక్టేన్ పేట్రియాటిక్ ఎంటర్‌టైనర్‌గా ఉంటుంది. నటుడు ఇటీవల ఆపరేషన్-వాలెంటైన్ సినిమాకు సంబంధించి కొత్త లుక్‌లను విడుదల చేశాడు. డిసెంబర్ లో విడుదల: వరుణ్ తేజ్ కనిపించబోతున్న నెక్స్ట్ చిత్రం ఇండియన్ ఎయిర్ ఫోర్స్ ఆధారంగా ఉంటుందని, […]

Last Updated : 09 October 2023, 05:07 PM IST

మెగా ప్రిన్స్ అయిన వ‌రుణ్ తేజ్‌ కొణిదెల నవంబర్‌లో పెళ్లి చేసుకోబోతున్న విషయం అందరికీ తెలిసిన విషయమే. అతని వివాహం తర్వాత విడుదలవ్వబోతున్న మొదటి సినిమా ఆపరేషన్: వాలెంటైన్ అని చెప్పుకోవచ్చు. భారతీయ వైమానిక దళం నేపథ్యంపై దృష్టి సారించే హై-ఆక్టేన్ పేట్రియాటిక్ ఎంటర్‌టైనర్‌గా ఉంటుంది. నటుడు ఇటీవల ఆపరేషన్-వాలెంటైన్ సినిమాకు సంబంధించి కొత్త లుక్‌లను విడుదల చేశాడు.

డిసెంబర్ లో విడుదల:

వరుణ్ తేజ్ కనిపించబోతున్న నెక్స్ట్ చిత్రం ఇండియన్ ఎయిర్ ఫోర్స్ ఆధారంగా ఉంటుందని, కొన్ని గొప్ప యాక్షన్ ఏరియల్ సన్నివేశాలను కూడా ఈ సినిమాలో కనిపించబోతున్నాయని భావిస్తున్నారు. ఈ చిత్రం డిసెంబర్ 8, 2023న థియేటర్లలో విడుదల కానుంది. భారతీయ వైమానిక దళ పైలట్ పాత్రను పోషిస్తూ ఎంతో ఆసక్తిగా ఎదురుచూస్తున్న హిందీ చలనచిత్ర రంగ ప్రవేశం చేసినందుకు నిజంగా సంతోషంలో ఉన్నాడు వరుణ్ తేజ్ కొణిదెల. అతనితో పాటు, మానుషి చిల్లర్ ఆపరేషన్ వాలెంటైన్‌లో రాడార్ ఆఫీసర్‌గా కనిపించనుంది.

హిందీ, తెలుగు రెండింటిలోనూ చిత్రీకరించిన ఈ సినిమా తప్పకుండా గ్రాండ్ స్కేల్, హై-ఆక్టేన్ యాక్షన్ సీక్వెన్స్‌లతో అద్భుతమైన సినిమాటిక్ అనుభూతిని అందజేస్తుందని హామీ ఇచ్చింది. కొత్త దర్శకుడు శక్తి ప్రతాప్ సింగ్ హడా దర్శకత్వం వహించిన ఆపరేషన్ వాలెంటైన్ సినిమా ట్రైలర్ చూసేందుకు అభిమానులు ఎంతో ఆత్రుతగా ఎదురు చూస్తున్నట్లు కనిపిస్తోంది.

విధి నిర్వహణలో వారి త్యాగాలను గుర్తిస్తూ, భారతీయ వైమానిక దళంలో నిస్వార్థంగా సేవలందిస్తున్న ధైర్యవంతులైన సిబ్బందికి సోషల్ మీడియా ద్వారా హృదయపూర్వక కృతజ్ఞతలు తెలియజేశారు సినిమా టీం. సోనీ పిక్చర్స్ ఇంటర్నేషనల్ ప్రొడక్షన్స్ నిర్మించిన ఆపరేషన్ వాలెంటైన్, రినైసాన్స్ పిక్చర్స్‌కు చెందిన సందీప్ ముద్దా నిర్మాతగా వ్యవహరిస్తున్నారు. ఈ చిత్రాన్ని నందకుమార్ అబ్బినేని, గాడ్ బ్లెస్ ఎంటర్‌టైన్‌మెంట్ సంయుక్తంగా నిర్మిస్తున్నాయి.

వరుణ్ తేజ్ పెళ్లి:

వరుణ్ తేజ్ కొణిదెల-లావణ్య త్రిపాఠి గత రాత్రి తమ ప్రీ వెడ్డింగ్ వేడుకలను ఉత్సాహపూరిత వాతావరణంతో ప్రారంభించారు. ఈ అద్భుతమైన సందర్భాన్ని ఇన్‌స్టాగ్రామ్‌లో ప్రకటించింది మరెవరో కాదు మెగాస్టార్ చిరంజీవి. చిరంజీవి తన పోస్ట్‌లో తన ఉత్సాహాన్ని వ్యక్తం చేశారు. ఉత్సవాలు ప్రారంభమైనట్లు చెప్పుకొస్తూ జంటను ఆశీర్వదించారు.

ఇటీవల వినాయక చవితి సందర్భంగా లావణ్య త్రిపాఠి తన కాబోయే భర్త వరుణ్ తేజ్ తమ మొదటి వినాయక చవితిని చాలా చక్కగా సెలబ్రేట్ చేసుకోవడం జరిగింది. ఇందుకు వారి కుటుంబంతో కలిసి లావణ్య త్రిపాఠి కలిసి పూజలు చేసిన ఫోటోలను కాబోయే పెళ్లి కొడుకు వరుణ్ తేజ్ తమ సోషల్ మీడియా ద్వారా షేర్ చేసుకోవడం జరిగింది.

తక్కువ ప్రొఫైల్‌ను మెయింటైన్ చేస్తూ. వారి వివాహం గురించి సంబంధించిన విషయాలు చాలా గోప్యంగా ఉంచడానికి, వరుణ్ తేజ్ అలాగే త్రిపాఠిలు చూస్తున్నట్లు తెలుస్తోంది. మిస్టర్‌ సినిమాలో కలిసి నటించిన మొదటి చిత్రం సెట్స్‌లో కేవలం సహనటులుగా ప్రారంభమైన ఈ జంట రిలేషన్ ఇప్పుడు, డెస్టినేషన్ వెడ్డింగ్ చేసుకొని కొత్తజంటగా మారబోతున్నారు.

జూన్ 2023లో వరుణ్ తేజ్ మరియు లావణ్య త్రిపాఠి తమ కుటుంబ సభ్యుల ఆధ్వర్యంలో అంగరంగ వైభవంగా నిశ్చితార్థం చేసుకున్నారు. ఈ జంట ఈ ఏడాది చివర్లో వివాహం చేసుకోవడానికి సిద్ధంగా ఉన్నారు. అయితే ప్రస్తుతం వీరు డెస్టినేషన్ వెడ్డింగ్ ప్లాన్ చేస్తున్నట్లు, అందమైన దేశం ఇటలీని వేదికగా ఎంచుకున్నారని రిపోర్టులు చెబుతున్నాయి. అయితే ఇప్పుడు పెళ్లి తేదీ ఇంకా ఖరారు కాకపోవడంతో దానికి సంబంధించిన సన్నాహాలు ఇంకా జరుగుతున్నాయి. పెళ్లికి సంబంధించి అధికారిక ప్రకటన ఇంకా రావాల్సి ఉంది.

Tags :