పుష్ప–2 ఆఫర్ రిజెక్ట్ చేసిన సామ్.. స్పందించిన టీం

టాలీవుడ్లో సమంత హవా నడుస్తోంది. ఈ ముద్దు గుమ్మ పేరు చెబితే చాలు రికార్డులు దాసోహమంటున్నాయి. అక్కినేని నాగచైతన్యతో విడిపోయిన తర్వాత సామ్ క్రేజ్ మరింత పెరిగిందనడంలో ఎటువంటి సందేహం లేదు. సామ్ ఇప్పుడు కేవలం టాలీవుడ్కి మాత్రమే కాదు. బాలీవుడ్లో కూడా స్టార్ హీరోయిన్ అయిపోయింది. ఫ్యామిలీ మ్యాన్ సిరీస్తో సమంత క్రేజ్ ఆకాశానికంటింది. ఈ సిరీస్తో ఈ బ్యూటీకి దేశవ్యాప్తంగా ఫ్యాన్స్ ఏర్పడ్డారు. ఇక ఈ అమ్మడు పుష్ప సినిమాలో చేసిన ఊ అంటావా […]

Last Updated : 27 March 2023, 06:58 AM IST

టాలీవుడ్లో సమంత హవా నడుస్తోంది. ఈ ముద్దు గుమ్మ పేరు చెబితే చాలు రికార్డులు దాసోహమంటున్నాయి. అక్కినేని నాగచైతన్యతో విడిపోయిన తర్వాత సామ్ క్రేజ్ మరింత పెరిగిందనడంలో ఎటువంటి సందేహం లేదు. సామ్ ఇప్పుడు కేవలం టాలీవుడ్కి మాత్రమే కాదు. బాలీవుడ్లో కూడా స్టార్ హీరోయిన్ అయిపోయింది. ఫ్యామిలీ మ్యాన్ సిరీస్తో సమంత క్రేజ్ ఆకాశానికంటింది. ఈ సిరీస్తో ఈ బ్యూటీకి దేశవ్యాప్తంగా ఫ్యాన్స్ ఏర్పడ్డారు. ఇక ఈ అమ్మడు పుష్ప సినిమాలో చేసిన ఊ అంటావా మావా! ఐటెమ్ సాంగ్ అయితే ఒక రేంజ్లో పేలింది. ఈ సినిమాలో రష్మిక మందన్నా హీరోయిన్ అయినా కానీ ఆ బ్యూటీ కంటే ఎక్కువ క్రేజ్ సమంతకే వచ్చింది. పుష్ప సినిమా వరల్డ్వైడ్గా పెద్ద హిట్ అవడంతో పుష్పను మంచి ఉండేలా లెక్కల మాస్టారు సుకుమార్ పుష్ప–2 ను తెరకెక్కిస్తున్నారు. ఇక ఇప్పుడు ఈ మూవీ ఐటమ్ సాంగ్ గురించి ఒక క్రేజీ రూమర్ ఫిలిం నగర్ సర్కిళ్లలో, సోషల్ మీడియాలో చెక్కర్లు కొడుతోంది. ఇది ఫేక్ న్యూస్ అని సమంత టీం క్లారిటీ ఇచ్చింది. ఇంతకీ ఆ న్యూస్ ఏంటంటే..

పుష్ప–2లో సామ్..

అల్లు అర్జున్, లెక్కల మాస్టారు సుకుమార్ కాంబినేషన్లో వచ్చిన పుష్ప సినిమా ఎంత పెద్ద సంచలన విజయం నమోదు చేసిందో ప్రత్యేకంగా చెప్పక్కర్లేదు. టాలీవుడ్, బాలీవుడ్ అనే తేడా లేకుండా ప్రతి ఒక్కరూ పుష్ప డైలాగ్స్కు రీల్స్ చేస్తూ తెగ సందడి చేశారు. అటువంటి పుష్ప సినిమాలో సామ్ చేసిన ఐటమ్ సాంగ్ అయితే మరో లెవెల్. ఈ పాట కుర్రకారుతో పాటుగా అందర్నీ ఉర్రూతలూగించింది. ఇక ఇప్పుడు పుష్ప–2 తెరకెక్కిస్తున్న సుకుమార్ ఈ సినిమాలో కూడా సామ్తో ఐటం సాంగ్ చేయించాలని నిర్ణయించి సామ్ను సంప్రదించగా… ఆమె నో చెప్పిందని గత కొన్ని రోజులుగా వార్తలు వైరల్ అవుతున్నాయి. దీనిపై ఎట్టకేలకు సామ్ టీమ్ స్పందించింది.

స్పందించిన సామ్ టీమ్..

పుష్ప–2 ఐటం సాంగ్ గురించి సమంతను సంప్రదించగా.. నో చెప్పిందట అనే ప్రచారానికి సామ్ టీమ్ పుల్ స్టాప్ పెట్టింది. అసలు అటువంటిదేం జరగలేదని, సమంతను ఎవరూ సంప్రదించలేదని టీమ్ తెలిపింది. సామ్ ప్రస్తుతం మయోసైటిస్ నుంచి కోలుకుంటోందని, బాలీవుడ్లో సిటాడెల్ వెబ్ సిరీస్లో నటిస్తోందని, అది మాత్రమే కాకుండా మరిన్ని షూటింగ్స్లో కూడా పాల్గొననుందని టీమ్ పేర్కొంది. ఇక సమంత హీరోయిన్గా దూసుకుపోతుంది. ఆమె నటించిన యశోద చిత్రం ప్రేక్షకుల ముందుకు వచ్చి ఘనవిజయాన్ని నమోదు చేసుకుంది. శాకుంతలం సినిమా శివరాత్రికి రావాల్సిందే కానీ అనివార్యాల కారణాల వల్ల ఏప్రిల్ 14కు వాయిదా పడింది.

అంతా ఉత్తిదే..

పుష్ప–2 లో ఐటం సాంగ్ కోసం సుకుమార్ టీమ్ సామ్ను సంప్రదించిందని ఆమె అందుకు నో చెప్పిందని జరిగిన సోషల్ ప్రచారం అంతా ఉత్తదే అని తేలిపోయింది. తాను మయోసైటిస్ అనే డిజార్డర్ వల్ల బాధపడుతున్నట్లు సామ్ ఇటీవలే తెలియజేసింది. ఇక సామ్కు అరుదైన వ్యాధి ఉందని తెలియగానే టాలీవుడ్ ప్రేక్షకులకు ఆమె అంటే ఎక్కడ లేని అభిమానం ఏర్పడింది.

Tags :