సంక్రాంతి బరిలో చేరిన మరొక తెలుగు చిత్రం

వచ్చే సంవత్సరం 2024 సంక్రాంతికి మహేష్ బాబు గుంటూరు కారంతో పోటీ పడనున్న నాగార్జున కొత్త చిత్రం నా సామిరంగాతో పాటుగా, రవితేజ ఈగల్ సినిమా, అంతేకాకుండా మరొక సినిమా కూడా పోటీ పడనున్నట్లు తెలుస్తోంది. ఇటీవల కింగ్ నాగార్జున పుట్టినరోజు సందర్భంగా తన కొత్త సినిమా టైటిల్ రివీల్ చేశారు. ఈ సినిమా పేరు నా సామిరంగా అని అనౌన్స్ చేశారు. ఈ సందర్భంగా ఈ సినిమా వచ్చే సంక్రాంతికి విడుదల అవుతుందని అనౌన్స్ చేశారు. […]

Last Updated : 06 October 2023, 05:23 PM IST

వచ్చే సంవత్సరం 2024 సంక్రాంతికి మహేష్ బాబు గుంటూరు కారంతో పోటీ పడనున్న నాగార్జున కొత్త చిత్రం నా సామిరంగాతో పాటుగా, రవితేజ ఈగల్ సినిమా, అంతేకాకుండా మరొక సినిమా కూడా పోటీ పడనున్నట్లు తెలుస్తోంది. ఇటీవల కింగ్ నాగార్జున పుట్టినరోజు సందర్భంగా తన కొత్త సినిమా టైటిల్ రివీల్ చేశారు. ఈ సినిమా పేరు నా సామిరంగా అని అనౌన్స్ చేశారు. ఈ సందర్భంగా ఈ సినిమా వచ్చే సంక్రాంతికి విడుదల అవుతుందని అనౌన్స్ చేశారు. ఇప్పటికే ఈ సంక్రాంతికి మహేష్ బాబు గుంటూరు కారం సినిమా రెడీగా ఉంది. అయితే సంక్రాంతికి పోటీ పడనున్న సినిమాలు గురించి నేడు తెలుసుకుందాం..

మహేష్ బాబు సినిమాకు పోటీగా సినిమా విడుదల చేస్తున్న నాగార్జున:

ఈ సంక్రాంతికి గుంటూరు కారం సినిమా రిలీజ్ అవుతుండగా, ఇప్పుడు కొత్తగా నాగార్జున సినిమా కూడా దీనికి పోటీగా విడుదలవుతుంది. సంక్రాంతికి రవితేజ ఈగల్ కూడా వస్తుందని అంటున్నారు. అలాగే ప్రభాస్ కల్కి కూడా సంక్రాంతికి రెడీగా ఉందని అంటున్నారు. ఈసారి సంక్రాంతి పోటీ భారీగానే ఉంటుందనిపిస్తుంది. టాలీవుడ్ లో ప్రతి సంవత్సరం సంక్రాంతి పోటీ భారీగానే ఉంటుంది. ఈసారి అది మరింత పెరిగింది. నాగార్జున, మహేష్ బాబు, రవితేజ, ప్రభాస్ లాంటి స్టార్లు తమ సినిమాలను సంక్రాంతికి రెడీగా ఉంచడంతో సినిమా లవర్స్ చాలా ఎక్సైట్ అవుతున్నారు.

అయితే ఇప్పుడు అందరి ఫేవరెట్ వెంకటేష్ సినిమా కూడా సంక్రాంతి సినిమా బరిలో దిగనున్నట్లు తెలుస్తోంది. దగ్గుబాటి వెంకటేష్ ఎంతో ఆసక్తిగా ఎదురుచూస్తున్న చిత్రం సైంధవ్ 2024 సంక్రాంతి సందర్భంగా థియేటర్లలో విడుదల కానుందని మేకర్స్ అధికారికంగా ప్రకటించారు. అక్టోబరు 5న అధికారిక ధృవీకరణ వచ్చింది, జనవరి 13, 2024లో విడుదల కానున్నట్లు పోస్టర్‌ను ఆవిష్కరించారు. మామూలుగానే వెంకటేష్ సినిమా అనగానే కుటుంబ కథా చిత్రాలు గుర్తువస్తాయి. అయితే సంక్రాంతికి రిలీజ్ అవ్వడానికి సిద్ధంగా ఉన్న వెంకటేష్ తదుపరి చిత్రం కూడా మంచి విజయాన్ని సాధిస్తుందని అంచనా వేస్తున్నారు.

టాలీవుడ్ లో సంక్రాంతి సినిమాల జోరు:

గత సంవత్సరం టాలీవుడ్ లో సంక్రాంతి సందర్భంగా వాల్తేరు వీరయ్య, వీర సింహారెడ్డి లాంటి పెద్ద పెద్ద సినిమాలు రిలీజ్ అయ్యాయి. ఈ రెండు సినిమాలు కూడా బ్లాక్ బస్టర్ సినిమాలు అయ్యాయి. ప్రతి సంవత్సరం కూడా సంక్రాంతికి టాలీవుడ్ లో మంచి పోటీ ఉంటుంది. ముఖ్యంగా పెద్ద స్టార్ల సినిమాలన్నీ సంక్రాంతికి రెడీగా ఉంటాయి. ఈసారి రిలీజ్ అవుతున్న సినిమాలు కూడా ఆ కోవలోకే వస్తాయి. మహేష్ బాబు త్రివిక్రమ్ సినిమా అంటే మంచి క్రేజ్ ఉంటుంది. అలాంటి క్రేజ్ ఉన్న సినిమానే గుంటూరు కారం. ఖలేజా సినిమా తర్వాత మహేష్ బాబు, త్రివిక్రమ్ కలిసి చేస్తున్న సినిమా కావడంతో ఈ సినిమా మీద మంచి హైప్ ఉంది. ఇక ప్రభాస్ కల్కీ మీద భారీ అంచనాలు ఉన్నాయి. రీసెంట్గా రిలీజ్ చేసిన టీజర్ ఈ సినిమా మీద అంచనాలు మరింత పెంచేసింది. ఇక రవితేజ నటిస్తున్న ఈగల్ సినిమా కూడా సంక్రాంతికే వస్తుంది అంటున్నారు. ఈ సినిమా టీజర్ ఈ సినిమా మీద అంచనాలు మరింత పెంచేసింది. ఇందులో అనుపమ పరమేశ్వరన్ కథానాయకగా నటిస్తుండడం వల్ల ఈ సినిమా క్రేజ్ మరింత పెరిగింది. ఇక నాగార్జున నా సామిరంగా, వెంకటేష్ ప్రత్యేకమైన చిత్రం సైంధవ్ కూడా సంక్రాంతి బరిలో చేరింది.

ఈ సంక్రాంతికి పోటీ అయితే బాగా ఉంటుందని అర్థమవుతుంది. ఈ సినిమాల్లో ఏ సినిమాలు విజేతలు అవుతాయో సంక్రాంతి వరకు వెయిట్ చేస్తే తెలుస్తుంది.

Tags :