పెళ్లి రూమర్స్ పై సాయి పల్లవి సీరియస్ ట్వీట్..

పెళ్లి రూమర్లపై సాయి పల్లవి స్పందించారు. దర్శకుడితో సాయి పల్లవి పెళ్లి అయిపోయిందంటూ వైరల్ అవుతున్న ఫొటోపై ఆమె స్పష్టత ఇచ్చారు. ఈ విధంగా అర్థంపర్థం లేని రూమర్లను సృష్టిస్తున్నవారిపై మండిపడ్డారు. పనీపాటా లేనివాళ్లు చేసే ఇలాంటి రూమర్లపై తాను స్పందించనని.. కానీ, ఇందులోకి స్నేహితులను కూడా లాగడంతో స్పందిస్తున్నానని ఆమె అన్నారు. ఈ మేరకు ఎక్స్ (ట్విట్టర్) ద్వారా సాయి పల్లవి స్పందించారు. ఆమె ఎంత వేదనకు గురయ్యారో ఈ పోస్ట్ చదివితే అర్థమవుతోంది. సాయి […]

Last Updated : 24 September 2023, 10:25 AM IST

పెళ్లి రూమర్లపై సాయి పల్లవి స్పందించారు. దర్శకుడితో సాయి పల్లవి పెళ్లి అయిపోయిందంటూ వైరల్ అవుతున్న ఫొటోపై ఆమె స్పష్టత ఇచ్చారు. ఈ విధంగా అర్థంపర్థం లేని రూమర్లను సృష్టిస్తున్నవారిపై మండిపడ్డారు. పనీపాటా లేనివాళ్లు చేసే ఇలాంటి రూమర్లపై తాను స్పందించనని.. కానీ, ఇందులోకి స్నేహితులను కూడా లాగడంతో స్పందిస్తున్నానని ఆమె అన్నారు. ఈ మేరకు ఎక్స్ (ట్విట్టర్) ద్వారా సాయి పల్లవి స్పందించారు. ఆమె ఎంత వేదనకు గురయ్యారో ఈ పోస్ట్ చదివితే అర్థమవుతోంది.

సాయి పల్లవిని ఇష్టపడని తెలుగు ప్రేక్షకులు ఉండరు అంటే అతిశయోక్తికాదు. ఎందుకంటే ఆమె చేసిన సినిమాలు, పాత్రలు అలాంటివి. అసభ్యతకు దూరంగా నటనకు ప్రాధాన్యం ఉన్న పాత్రల్లో నటిస్తూ తనకంటూ ఒక ప్రత్యేక ఇమేజ్‌ను సంపాదించుకున్నారు సాయి పల్లవి. ఆచితూచి పాత్రలను ఎంపిక చేసుకుంటూ ముందుకు వెళ్తున్నారు. అయితే, అలాంటి సాయి పల్లవిపై బురద చల్లాలని కొందరు ప్రయత్నిస్తున్నారు. దీనిలో భాగంగానే ఆమెపై ఒక రూమర్ సృష్టించారు. సాయి పల్లవి చెప్పాబెట్టకుండా ఒక డైరెక్టర్‌ను పెళ్లి చేసేసుకున్నారని.. ఇదిగో పెళ్లి ఫొటో అంటూ వైరల్ చేశారు.

తమిళ దర్శకుడు రాజ్‌కుమార్ పెరియసామితో కలిసి మెడలో దండలు వేసుకుని ఉన్న సాయి పల్లవి ఫొటో అది. నిజానికి ఇది శివ కార్తికేయన్ 21వ సినిమా ప్రారంభోత్సవంలో తీసుకున్న ఫొటో. పూజా కార్యక్రమాల అనంతరం అందరి మెడల్లో పూల మాలలు వేశారు. టీమ్ మొత్తం కలిసి ఫొటో తీసుకున్నారు. ఈ ఫొటోలో దర్శకుడు రాజ్‌కుమార్ పక్కనే సాయి పల్లవి నిలబడ్డారు. అయితే, వారిద్దరినీ క్రాప్ చేసి పెళ్లియిపోయిందని సోషల్ మీడియాలో ప్రచారం చేశారు. అక్కడితో ఆగకుండా ప్రేమకు రంగుతో పనిలేదు.. హ్యాట్సాఫ్ సాయి పల్లవి అంటూ ప్రచారం మొదలుపెట్టారు.

ఇక ఈ రూమర్‌ను పట్టుకుని యూట్యూబ్ ఛానెళ్లు, చిన్నాచితకా వెబ్‌సైట్లు చెలరేగిపోయాయి. అయితే, ఇది క్రాప్డ్ ఫొటో అని.. శివకార్తికేయన్ సినిమా ఓపెనింగ్‌లో తీసుకున్న ఫొటోను క్రాప్ చేసి రూమర్ సృష్టించారని ఇప్పటికే పలువురు క్లారిటీ ఇచ్చారు. అయితే, ఈ తప్పుడు ప్రచారంపై సాయి పల్లవి స్పందించారు. ఆమె స్పందనలో బాధ, ఆవేదన, ఆగ్రహం కనిపించాయి. ఈ మేరకు ఎక్స్ (ట్విట్టర్)లో ఒక పోస్ట్ చేశారు సాయి పల్లవి.

‘నిజాయతీగా చెప్పాలంటే, నేను రూమర్స్‌ను అసలు పట్టించుకోను. కానీ, నేను కుటుంబంలా భావించే స్నేహితులను ఇందులోకి లాగితే నేను స్పందించాల్సిన అవసరం ఉంది. నేను నటిస్తున్న ఒక సినిమా పూజా కార్యక్రమానికి సంబంధించిన ఫొటోను కావాలని క్రాప్‌ చేసి.. డబ్బు కోసం, నీచమైన దురుద్దేశంతో ప్రచారం చేశారు. నా సినిమాలకు సంబంధించి ఎంతో మంచిగా ప్రకటనలు ఇవ్వడానికి సిద్ధమవుతున్న సమయంలో ఇలాంటి పనికిమాలిన విషయాలపై వివరణ ఇవ్వడం బాధగా ఉంది. ఇలాంటి ఇబ్బందిని కలిగించడం నిజంగా నీచమైన చర్యే’ అని సాయి పల్లవి ఎక్స్ పోస్ట్‌లో పేర్కొన్నారు.

వైరల్ అవుతున్న ఫోటో ఒరిజినల్ షేర్ చేసిన వేణు ఉడుగల వివరణ ఇచ్చారు. శివ కార్తికేయన్ కి జంటగా సాయి పల్లవి నటిస్తున్న చిత్రం పూజా కార్యక్రమం రోజు తీసిన ఫోటో అది అని కామెంట్ చేశాడు. సాయి పల్లవి వివాహం చేసుకున్నారన్న వార్తల్లో ఏమాత్రం నిజం లేదని కొట్టిపారేశారు. వేణు ఉడుగుల పోస్ట్ తో ఫ్యాన్స్ ఊపిరి పీల్చుకున్నారు.

ఇదిలా ఉంటే, ప్రస్తుతం సాయి పల్లవి రెండు సినిమాలను అంగీకరించారు. అందులో ఒకటి కమల్ హాసన్ సమర్పణలో శివకార్తికేయన్ హీరోగా వస్తోన్న సినిమా కాగా.. మరొకటి అల్లు అరవింద్ నిర్మాణంలో నాగచైతన్య హీరోగా చందూ మొండేటి దర్శకత్వంలో తెరకెక్కుతోన్న చిత్రం. నాగచైతన్య సినిమాలో సాయి పల్లవి హీరోయిన్‌గా ప్రకటన వెలువడింది. నాగచైతన్యతో సాయి పల్లవి చేస్తోన్న రెండో సినిమా ఇది.

Tags :