జూనియర్ ఎన్టీఆర్ ఫ్యామిలీ నుండి మరో నటుడు తెరంగేట్రం చేయబోతున్నాడు

తెలుగులో సినీ చరిత్రలో వారసులకు, నట కుటుంబాల నుండి వచ్చిన నటులకు కొదవలేదు. మెగా ఫ్యామిలీ, నందమూరి ఫ్యామిలీ, అక్కినేని ఫ్యామిలీ, దగ్గబాటి ఫ్యామిలీ… ఇలా చెప్పుకుంటూ పోతే నట వారసత్వాన్ని ముందుకు తీసుకువెలుతున్న ఫ్యామిలీస్ చాలా ఉన్నాయి. ఏడాది పొడవునా తమ సినిమాలు విడుదలవుతాయనే ఆలోచన వీరందరిలోనూ ఉంటుంది. ఇక్కడ దాదాపు అందరు తారలూ నట కుటుంబ నేపథ్యం నుండి వచ్చినవారే. ఒకరిద్దరు తప్ప మిగతా వారంతా సినీ బ్యాక్ గ్రౌండ్ ఉన్నవారే. కొత్త హీరోలను, […]

Last Updated : 16 April 2023, 01:41 PM IST

తెలుగులో సినీ చరిత్రలో వారసులకు, నట కుటుంబాల నుండి వచ్చిన నటులకు కొదవలేదు. మెగా ఫ్యామిలీ, నందమూరి ఫ్యామిలీ, అక్కినేని ఫ్యామిలీ, దగ్గబాటి ఫ్యామిలీ… ఇలా చెప్పుకుంటూ పోతే నట వారసత్వాన్ని ముందుకు తీసుకువెలుతున్న ఫ్యామిలీస్ చాలా ఉన్నాయి. ఏడాది పొడవునా తమ సినిమాలు విడుదలవుతాయనే ఆలోచన వీరందరిలోనూ ఉంటుంది. ఇక్కడ దాదాపు అందరు తారలూ నట కుటుంబ నేపథ్యం నుండి వచ్చినవారే. ఒకరిద్దరు తప్ప మిగతా వారంతా సినీ బ్యాక్ గ్రౌండ్ ఉన్నవారే.

కొత్త హీరోలను, చిన్న హీరోలను ఎంకరేజ్ చేసే గొప్ప సంస్కృతి టాలీవుడ్‌లో ఎప్పుడూ ఉంది. చిరంజీవి, నాగార్జున, వెంకటేష్, ఇలా పెద్ద హీరోలందరూ.. కొత్త హీరోలు, చిన్న హీరోల వెన్ను తట్టి ప్రోత్సహిస్తున్నారు. పెద్ద హీరోలందరూ ఇండస్ట్రీ బాగుండాలని కోరుకుంటున్నారు. స్టార్ హీరోలు, కొత్త హీరోలకు అగ్ర నిర్మాతల నుంచి మద్దతు లభిస్తోంది. ప్రతిభను మెరుగుపరుచుకునేందుకు అవకాశాలు కల్పిస్తున్నారు. అలాగే పక్కవాళ్లు బాగుంటే మనం కూడా మంచివాళ్లమే అనే గొప్ప సంస్కృతి మనది. మన హీరోల సదుద్దేశంతో కూడిన ప్రోత్సాహకర వాతావరణం గురించి ఇటీవల ఆసక్తికరమైన చర్చ జరుగుతోంది. స్టార్ హీరోలు.. కొత్త హీరోలను బాగా ఎంకరేజ్ చేస్తున్నారు. సినిమాలను ప్రమోట్ చేస్తున్నారు. బన్ని, చరణ్, మహేష్, తారక్, ప్రభాస్, రానా లాంటి పెద్ద స్టార్లు సక్సెస్ ఫుల్ హీరోలకు అభినందనలు తెలుపుతూ మోరల్ సపోర్ట్ చేస్తున్నారు.

హీరోగా ఆరంగేట్రం చేయనున్న నార్నే నితిన్

ఈ నేపథ్యంలో జూనియర్ ఎన్టీఆర్ బావమరిది నార్నే నితిన్ కూడా హీరోగా ఆరంగేట్రం చేయనున్నాడు. నందమూరి కుటుంబం నుండి ఎందరో హీరోలు తెరంగేట్రం చేసినా.. జూనియర్ ఎన్టీఆర్ బంధువు ఒకరు సినీ ప్రవేశం చేయడం ఇదే మొదటిసారి. అయితే ఆ తర్వాత దీని లాంచ్‌కు సంబంధించి ఎలాంటి సమాచారం లేదు. ఈ మధ్య కాలంలో సితార ఎంటర్ టైన్ మెంట్.. ధనుష్ హీరోగా తెరకెక్కించిన సార్ సినిమా సూపర్ హిట్ అయింది. సితార ఎంటర్ టైన్ మెంట్, హారిక హాసిని సంస్థలు టాలీవుడ్ ఇండస్ట్రీలో హాట్ టాపిక్ గా మారుతున్నాయి. ఈ క్రమంలో తాజాగా ఈ వార్త తెరపైకి వచ్చింది.

జూనియర్ ఎన్టీఆర్ బావమరిది నార్నే నితిన్ ని సితార ఎంటర్ టైన్ మెంట్ సంస్థ పరిచయం చేయబోతున్నట్లు తెలుస్తోంది. సతీష్ వేగేశ్న దర్శకత్వంలోనార్నే నితిన్ హీరోగా వస్తున్న ఈ చిత్రానికి.. శ్రీశ్రీశ్రీ రాజావారు అనే టైటిల్‌ను ప్రకటించారు. ఫస్ట్ లుక్ పోస్టర్ కూడా రిలీజ్ చేశారు. ఆ తర్వాత ఈ సినిమా గురించి ఎలాంటి సందడి చేయలేదు.

సితార బ్యానర్‌పై కొత్త ప్రాజెక్ట్

తాజా సమాచారం ప్రకారం.. సితార ఎంటర్‌టైన్‌మెంట్స్ రంగంలోకి దిగి ఈ చిత్ర నిర్మాణ పనులు మొదలుపెట్టినట్లు వార్తలు వచ్చాయి. కాలేజ్ డ్రామాగా రూపొందుతున్న ఈ సినిమా.. కొన్ని ఇబ్బందుల వల్ల ఆగిపోయినట్లు తెలుస్తోంది. అందువల్ల హారిక హాసిని సితార బ్యానర్‌పై కొత్త ప్రాజెక్ట్ నిర్మించే అవకాశం ఉందని అంటున్నారు.

సితార ఎంటర్‌టైన్‌మెంట్స్‌, హారిక హాసిని క్రియేషన్స్‌ బాధ్యతలు నిర్వహిస్తున్న నాగవంశీ.. జూనియర్‌ ఎన్టీఆర్‌ తనకు ఇష్టమైన హీరో అని అన్నారు. ఎప్పటికైనా అతనితో సినిమా చేయాలనేది తన కల అని ఆయన తెలియజేసారు. ఇప్పుడు జూనియర్‌ ఎన్టీఆర్‌ బావమరిది నార్నే నితిన్ సినిమా ఆగిపోయే పరిస్థితి ఏర్పడింది. మరి ఈ సినిమా ఆయనకు కలిసి వస్తుందో లేదో చూడాలి.

Tags :