ఐరిష్ వర్క్‌ఫోర్స్ నుండి 240 మందిని తొలగించనున్న గూగుల్

గూగుల్ తన ఐరిష్ వర్క్‌ఫోర్స్ నుండి 240 మందిని తొలగించనుంది. దీనితో కంపెనీ తన సిబ్బందిలో 6 శాతం మందిని కోల్పోతుంది. దీని గురించి కంపెనీ ఉద్యోగులకు ఇమెయిల్ ద్వారా తెలియజేసిన గూగుల్.. బుధవారం ఉదయం తొలిగించిన తమ సిబ్బందికి సమాచారం అందించింది. అయితే గురువారం నుంచి సంప్రదింపులు ప్రారంభం కానుండగా, కంపెనీ నుంచి వైదొలగనున్న వ్యక్తిగత సిబ్బంది గురించి కంపెనీ ఇంకా వెల్లడించలేదు. గూగుల్ లేఆఫ్స్ గూగుల్ యొక్క సంస్థ ఆల్ఫాబెట్ గత నెలలో ప్రపంచవ్యాప్తంగా […]

Last Updated : 09 April 2023, 05:51 PM IST

గూగుల్ తన ఐరిష్ వర్క్‌ఫోర్స్ నుండి 240 మందిని తొలగించనుంది. దీనితో కంపెనీ తన సిబ్బందిలో 6 శాతం మందిని కోల్పోతుంది. దీని గురించి కంపెనీ ఉద్యోగులకు ఇమెయిల్ ద్వారా తెలియజేసిన గూగుల్.. బుధవారం ఉదయం తొలిగించిన తమ సిబ్బందికి సమాచారం అందించింది. అయితే గురువారం నుంచి సంప్రదింపులు ప్రారంభం కానుండగా, కంపెనీ నుంచి వైదొలగనున్న వ్యక్తిగత సిబ్బంది గురించి కంపెనీ ఇంకా వెల్లడించలేదు.

గూగుల్ లేఆఫ్స్

గూగుల్ యొక్క సంస్థ ఆల్ఫాబెట్ గత నెలలో ప్రపంచవ్యాప్తంగా 12,000 ఉద్యోగాలను తగ్గించే ప్రణాళికలను ప్రకటించింది. అలాగే అమెజాన్.. 18,000 ఉద్యోగాల కోతలను ప్రకటించింది. గత వారం ఫేస్ బుక్ యొక్క మాతృసంస్థ మెటా వేల మంది ఉద్యోగులకు “పూర్ పెర్ఫార్మెన్స్” సమీక్షలను జారీ చేసింది. దీంతో ఆ సంస్థ భారీగా తొలగింపులను ప్రకటించేందుకు మార్గం సుగమం చేస్తుందన్న అనుమానాలు వ్యక్తమవుతున్నాయి.

ఐటీ కంపెనీల్లో 2022లో ప్రారంభమైన తొలగింపుల దశ 2023లో కూడా కొనసాగుతోంది. కోవిడ్ -19 మహమ్మారి ప్రారంభ రోజుల నుండి IT పరిశ్రమలో వేగవంతమైన ఉద్యోగ కోతలు ప్రారంభమయ్యాయి. కన్సల్టింగ్ సంస్థ ఛాలెంజర్, గ్రే అండ్ క్రిస్మస్ ఇంక్ ప్రకారం.. నవంబర్ నెలలో అందుబాటులో ఉన్న డేటా ప్రకారం 52,771 ఉద్యోగుల తొలగింపులు అయ్యాయని సమచారం.

గూగుల్ నేరుగా రిపబ్లిక్‌లో 5,500 మందిని నియమించింది, అదనంగా 4,000 మంది కాంట్రాక్ట్ మరియు తాత్కాలిక కార్మికులు ఉన్నారు. ఇది గత 20 సంవత్సరాలలో ఐర్లాండ్‌లో బిలియన్ల పెట్టుబడి పెట్టింది. గత ఐదేళ్లలో €1.5 బిలియన్ల కంటే ఎక్కువ పెట్టుబడి పెట్టింది. యునైటెడ్ స్టేట్స్‌లోని సిబ్బందికి తొలి ప్రకటన వెలువడిన కొద్దిసేపటికే లేఆఫ్ గురించి తెలియ జేయబడింది, అయితే ఇక్కడ ఉపాధి చట్టాల ప్రకారం ప్రక్రియకు ఎక్కువ సమయం పడుతుంది.

2022లో మొత్తం 80,978 మంది ఉద్యోగాలు కోల్పోయారు. ఛాలెంజర్, గ్రే అండ్ క్రిస్మస్ ఇంక్ సంస్థ 2000లో లేఆఫ్ డేటాను సేకరించడం ప్రారంభించినప్పటి నుండి నవంబర్ నెలలో ఉద్యోగుల తొలగింపు సంఖ్య అత్యధికం. మరో నివేదిక ప్రకారం.. మెటా, అమెజాన్, హెచ్‌పి, ట్విట్టర్ వంటి దిగ్గజ కంపెనీలు కూడా పెద్ద సంఖ్యలో ఉద్యోగులను తొలగిస్తున్నాయి.

ప్రపంచవ్యాప్తంగా కనీసం 853 టెక్నాలజీ కంపెనీలు ఇప్పటివరకు దాదాపు 137,492 మంది ఉద్యోగులను తొలగించాయి. ఆల్ఫాబెట్ ఇంక్, మెటా ప్లాట్‌ఫారమ్‌లు, మైక్రోసాఫ్ట్ కార్ప్ మరియు ఇతరులు ఇటీవలి తమ నిర్దేశిత లక్ష్యాలను కోల్పోయారు. ఈ నివేదికల తర్వాత కంపెనీల షేర్ల ధరలు కూడా తగ్గుముఖం పట్టాయి. అమెజాన్, సేల్స్‌ఫోర్స్ వంటి కంపెనీల పరిస్థితి మరీ దారుణంగా ఉంది. ఇలాంటి పరిస్థితుల్లోనే కంపెనీలు పెద్దఎత్తున లేఆఫ్‌లు ప్రకటించాయి.

ఐటీ కంపెనీల లేఆఫ్‌లు

అమెజాన్

వాల్ స్ట్రీట్ జర్నల్ జనవరి 4 నివేదిక ప్రకారం.. ఈ-కామర్స్ దిగ్గజం అమెజాన్ దాదాపు 18,000 మంది ఉద్యోగులను తొలగించినట్లు ప్రకటించింది. గత ఏడాది కంపెనీలో తొలగింపులు ప్రారంభమైనప్పుడు, ఇది సుమారు 10,000 మందిని ప్రభావితం చేస్తుందని అంచనా వేయబడింది, కానీ ఇప్పుడు ఈ సంఖ్య పెరిగింది. నవంబర్‌లో, అమెజాన్ తన కార్పొరేట్ ఉద్యోగుల కొత్త నియామకాలను కూడా నిలిపివేసింది.

యాపిల్

ఐఫోన్ తయారీదారు పరిశోధన మరియు అభివృద్ధి కాకుండా ఇతర విభాగాలలో ఉద్యోగాల కోసం రిక్రూట్‌మెంట్‌ను నిలిపివేసింది. ఈ విషయంపై అవగాహన ఉన్న వ్యక్తుల ప్రకారం.. కంపెనీ వచ్చే ఏడాది బడ్జెట్‌ను తగ్గించే ప్రణాళికపై కసరత్తు చేస్తోందని సమాచారం. కంపెనీ ప్రకారం.. భవిష్యత్ పరికరాలు మరియు దీర్ఘకాలిక కార్యక్రమాలపై పనిచేసే బృందాలలో ఎటువంటి తొలగింపులు ఉండవని, కానీ తొలగింపులు, కార్పొరేట్ విధులు, ప్రామాణిక హార్డ్‌వేర్ మరియు సాఫ్ట్‌వేర్ ఇంజనీరింగ్ పాత్రలను ప్రభావితం చేస్తాయని సమచారం.

Tags :